Нарны гэрэл хүн болгонд адилхан тусдаг

Монгол улсад оруулах миний хувь нэмэр

2012-01-20T16:46:00.000+08:00

2011 оны СЭЗДС-ийн шилдэг оюутан шалгаруулах тэмцээний сүүлийн шатанд тавьсан илтгэл.

Анх удаа олон хүний өмнө англиар илтгэл тавьж үзсэн маань энэ ;) Санасан хэмжээндээ тавьж чадаагүй ч их туршлага хуримтлуулсан гэж бодож байгаа шүү :)

Монголулсад оруулах миний хувь нэмэр

Сайн байцгаана уу. Энд хуран цугласан нийт монгол улсыниргэдийн амар амгаланг эрье. СЭЗДС-ийн Бизнесийн эдийн засагч Мэргэжлийн 4-ркурсын оюутан Золжаргал миний бие “Монгол улсад оруулах миний хувь нэмэр”сэдвээр илтгэл тавих гэж байна.

Би бол Монгол улсын иргэн. Энэ үгийг хэлсэн Монгол хүнбүрийн сэтгэл нь сэргэж, урам нь бадарч, зүрх нь огшдог байх. Хэлэхэд амарханхэдий ч, хийж бүтээж буй зүйлээрээ үүнийгээ харуулахад тийм ч амар биш. Азийнцээжин дээр хүн болж ирсэнийн хувьд эх орныхоо нэрийг ямагт сайнаар гаргах ньбидний нэг үүрэг болов уу. Тиймээ би чадна, би монгол улсдаа өөрийн сайн чаддагбүх зүйлээ зориулахад бэлэн!

Би монгол улсын иргэн

Дусал бүр нийлж хэмээн сая далай болдогын адилаар таныулсдаа оруулах хувь нэмэр бага зүйлээс эхэлнэ. Сансарт нисч, Нобелийн шагналавснаараа Монгол улсад хувь нэмэр оруулж байна гэж ойлгож болохгүй. Гудамжиндхогоо хаядаггүй, шүдээ угааж байхдаа усаа хаадаг, автобусанд өндөр настангуудадсуудал тавьж өгдөг, бусдад сэтгэлийн дэм өгч чаддаг би монгол улсын иргэн. Энэбол улсдаа оруулах миний эхний хувь нэмэр юм. Бид дор бүрээ энэхүү үүргийг ухамсарланүйлдэл болгон хэрэгжүүлж чадвал монголулсын хөгжилд томоохон хувь нэмэр оруулах залуусаас эхлэлтэй түүчээний эзэн ньболж чадна. Бидэнд боломж байна, БИД ЧАДНА!

Миниймэргэжил бизнесийн эдийн засагч

Залуус бидний хамгийн том зэвсэг бол эзэмшиж буймэргэжил, мэдлэг боловсрол юм. Бимэргэжлээрээ сайн сурч чадсанаараа Монгол улсын эдийн засгийг хөгжүүлэх ихүйлсэд хувь нэмрээ оруулж чадна гэж боддог. Эдийн засагч хүн эрсдлийг урьдчилантооцоолох чадвартай байх ёстой. Бид азтай, бид Монгол улсын эдийн засгийн ихөсөлтийн оргил жилүүдэд амьдарч байна. Эдийн засгийн өсөлтөөс бий болох иххэмжээний мөнгийг хэрхэн зөв оновчтой зарцуулах уу, цаашид ямар бодлогобаримталвал өсөлтийн өндөр түвшнээ хадгалж чадах уу, ямар эрсдэл урган гарахвэ? зэрэг шийдвэр гаргалтын түвшний асуултад би өөрийн суралцаж буй мэргэжлийнчадварлаг мэргэжилтэн болсноороо хариулж чадна гэдэгт итгэдэг. Тиймээс бибизнесийн эдиийн засагч хэмээх мэргэжлээр бэлтгэгдсэн өндөр түвшний, чадварлагхүний нөөц байх ёстой. Ингэхийн тулд би суралцаж байна, хичээж байна, тэмүүлжбайна. Энэ бол миний Монгол улсад оруулах хоёрдахь хувь нэмэр.

Биүндэсний үзэлтэй Монгол улсын иргэн

21-р зуун бол даяаршлын ирэн зуун гэж ярьдаг. Бүх дэлхийнэг цул болох нь холгүй байгаа энэ цаг үед үндэсний зан заншил, соёл урлаг,уламжлалаа бид хадгалж үлдэх ёстой. Уртын дуу, морин хуур, хөөмий зэрэг ардынурлаг, төрөл бүрийн зан заншлаа мэдэн авч, өвөг дээдсээс уламжлагдан ирсэнМонгол хэмээх эх орныг Монгол хэвээр нь үлдээн, ирээдүй хойч үедээ уламжлуулахнь залуус бидний үүрэг. Ингэхийн тулд түүх, соёл заншлаа мэдэх хэрэгтэй, сураххэрэгтэй, нэг нэгэндээ ойлгуулах хэрэгтэй. Алаг дэлхий, уул ус, байгальдэлхийгээ шүтэн амьдардаг, уртын сайхан дуугаа сонсон эрийн 3 наадмаа үздэг бийүндэсний үзэлтэй Монгол улсын иргэн. Чихэндээ i-pod сонсож, гартаа nokia утас барин, hp компьютерээр энэхүү илтгэлээ бэлдсэн ч, үүх түүх, ёсзаншлаа би гадны ямар ч хүнд тайлбарлаад өгч чадах, өөрийн үр хүүхэддээойлгуулж чадах Монгол улсын иргэн. Тиймээ би үндэсний үзэлтэй Монгол улсыниргэн, энэ бол миний монгол улсад оруулах гуравдахь хувь нэмэр.

Би монгол улсын хөгжил цэцэглэлтэнд итгэдэг. Энэхүүхөгжлийн эзэд нь залуус, тиймээ энд цугларсан СЭЗДС-н оюутнууд та бүхэн байхболно. Эцэст нь дахиад хэлье дусал бүхэн нийлж далай болдогын адилаар залуусаа бидбүгдээрээ дор бүрнээ хичээж өөрийн үүргээ ухамсарлаж чадвал 1 төгрөгөөр 10америк доллар сольж авах мөч ойрхон байна.

Би хог, шүлсээ гудамжинд ил хаядаггүй, үндэсний үзэлтэй,бизнесийн эдийн засагч мэргэжилтэй Монгол улсын иргэн Золжаргал.

Анхаарал тавьсанд баярлалаа.

Mycontribution to Mongolia

Goodafternoon, to all Mongolian’s that have gathered here today. I am Zoljargal, a fourth class student atthe IFE majoring in business economics. I will be presenting myspeech of my contribution to Mongolia today.

I am a citizen of Mongolia.Every Mongolian who utters these words might feel very enthusiastic and proud.Although it's easy to say, it's not that easy to demonstrate it by one's ownactions. Being born and raised on the hearth of Asia, It is our duty to alwaysbring honor to our country. Yes, I can! I am ready to dedicate all that I canfor Mongolia.

First, I am a Mongolian

Likean ocean is made of millions of droplets your contribution will start from a smallstep. The actions of flying to space or winning a noble prize cannot beunderstood as contributing to Mongolia. Not throwing litter in the street,closing the tap on the faucetwhile brushing my teeth, giving up my seat on the bus to anelder, giving encouragement to others, I AM A MONGOLIAN. These are the firstcontributions to my country. The many guys that understands, these simplecontributions will become contributors to their country. We have theopportunity, WE CAN

Second, My major is businesseconomics

Themost powerful asset to the youth is the skills they develop and the knowledgethey obtain. By succeeding in my chosen major I will become a part of thecontribution that is focused on the economic growth. An economist has to havethe ability to forecast risk. We are the lucky ones; because we are living in atime of great economy growth. How to spend this investment that has come fromthis growth, wisely? What policies can be implemented to maintain this state ofgrowth for the long run? What are the risks that can ensue? I believe thesequestions can only be answered, on an executive level, by an individualmajoring in my major, business economics. Thus I must become a highlyspecialized human resource. For this I am studying, for this I aim, for this Iam striving. This is the second contribution that I can contribute.

Third, I am a patriotic Mongolian

The21^st century has been dubbed the century of globalization. In a timewhere the whole world is about to become a melting pot of culture and race, thepreservation of our heritage and culture is vital. To pass down the culture andheritage to our future generations is our duty, such cultural treasures as Urtiinduu, Morin huur, Huumii should be understood and preserved as they are whatmake Mongolians. To do this we must learn our history, heritage, our ways oflife, and then pass them on in a way that others understand. Watching our eriingurwan naadam while listening to Urtiinduu and praising the earth and her rivers and mountains, I am a Mongolian. Evenas I have listened to an ipod and carried a nokia, while typing this speech onmy HP computer, I am a fully capable Mongolian who can pass down this heritageto my children and passing them on to others. Yes, I am a patriotic Mongolianand this is my third contribution to my country.

Ibelieve in the development of Mongolia. The owners of this blooming is theyouth, Yes YOU the IFE students that have gathered here today. I will repeatmyself, As an ocean is made up of millions of droplets, if all of us fulfillout duties the day to see 1 tugrik exchanged for 10 dollars is not far.

Iam Zoljargal, citizen of Mongolian, a business economics major, a patriot, anda non litterer.

Thankyou for your attention.

Сэтгэл

2011-07-13T01:09:00.000+08:00

Хаая хаая,,,, блогтоо бичлэг нэмэх гэсээр байтал шинэ улирал эхлээд одоо бараг дуусах нь... Гэхдээ дээрээс хойш бичнэ гээд байсан сэдвээрээ бичих гээд өөрийгөө яг "поост" хийдэг дээр нь тавьчихаад сууж байна.

За нэг хэсэг "Сэтгэл хэмээх эрхтэнд зориулав" гэсэн үг моодонд оров. Яахав киноны сурталчилгааны ачаар л хүмүүсийн аманд орсон хэрэг. Гэхдээ би бодсон,,, их удаан бодсон,,, лав нэг шөнө бүтэн бодсон,,, үгүй нилээд олон өдөр шөнө бодсон,,,, Тэгсэн яасан байхнуу,,,, би ойлгосон... Сэтгэл гэдэг чинь эрхтэн биш юм байна...

Хүний хамгийн чухал эрхтэн болох тархи, зүрх зэргийг чинь хүртэл шилжүүлээд байнаштэээ цаана чинь айлын хүүхдүүд. Эрхтэн л юм чинь сэтгэлийг за шилжүүлчье... Болохгүй л байгаа биз,,,

Заза ингээд л эрхтэн биш нь батлагдлаа ;P

Ийм тэнэг юм л бичих гэж өдөржин, шөнөжин би бодож суугаагүйлд.... Хүний биед байгаа хамгийн эмзэг зүйл бол өнөөх сэтгэл гэдэг чинь юм байна, тэгээд дээрээс нь хийсвэр эд. Бас тэгээд болоогүй хамгийн холбиромтгой (яг л мөнгөн ус газар явуулж байгаа юм шиг), хаашаа ч шилжиж магадгүй хачин зүйл.

Сэтгэл байвал сэрээгээр шөл уунаа гэж.... Сэтгэл л байвал нээрээ хүн юуг ч хийж чаддаг л байхгүй юу (аймар загнах гэж байгаа юм шиг биччлээ, гэхдээ үнэн л юм чинь).

Сэтгэл гээч нь нэг л зүйлээр хооллодог. Яахав заримдаа ганц нэг өөр зүйлээр орлуулж болдог. Гэхдээ л тэр үндсэн "хоол" нь байхгүй бол хол явахгүй, эзэн нь улам л дорддог. Тэр нэг зүйл нь яахын аргагүй ХАЙР. Өгч байгаа хайр байна уу, авч байгаа хайр байна уу хамаагүй,,,, хайр хэмээгч нь байсан цагт л сэтгэл баяр бахдалаар дүүрэн, гэдэс цатгалан байдаг.

Бас сэтгэл цангадаг. Гэхдээ гаднаас шингэн зүйл нэхдэггүй. Өөрөө үйлдвэрлэдэг... Тэр нь бол НУЛИМС. Тиймээ, сэтгэл уйлдаг. Сэтгэл цангах олон шалтгаан байдаг.... Өнөөх хайр нь алга болвол, бүтэлгүйтвэл, сэтгэл сэмэрвэл (ухаандаа эрхтэн байсансан бол гэмтвэл) гээд л олон шалтгаантай. Харин цангааг нь байнгын тайлаад байж болохгүй, ганц удаа л тэр НУЛИМСыг нь өгөх хэрэгтэй. Тэгж чадвал сэтгэл, нулимс 2 чиний нүдийг угаагаад орчлон ертөнцийг чи шинээр, арай өөр талаас нь харж чадна. Эсрэгээрээ байнга өгвөл чиний нүдийг таглаад л, таглаад л эцэстээ юуг ч харах нөхцөлгүй болно.

За за бичээд л байвал бичээд байх юм шиг байна. Ингээд дуусгъя...

Нэг найзынхаа хэлсэн үгэнд би дуртай, одоо хүртэл мартдаггүй.

"СЭТГЭЛ БАЙВАЛ БҮХ ЮМ БОЛНО" гэж.... Би ч тэгж л боддог...

За харин тануус юу гэж бодож байна. Сэтгэл гэж яг юу вэ?. Эсвэл нээрэн л эрхтэн юм уу???

Та оюутан мөн үү?

2011-05-06T22:41:00.004+08:00

Сэтгэл санаа гэж үнэхээр навс унасан, юу ч хийхийг хүсэхгүй байсан өдөр "зайлшгүй" шаардлагаар 1 цагийн дотор бичсэн эссэ. Гэхдээ үүнийхээ үр дүнг хүртэж чадсан. Сүүлд бодоход баяртай л байна, тэгэхдээ тэр үеийг бодохоор л....

“Монгол улсын эдийн засгийг хөгжүүлэн дэвшүүлэх үйлсэд бие сэтгэлээ бэлдэхийн учир эрдэм мэдлэгт шамдангуй, багшид хичээнгүй, сургуульдаа үнэнч явахаа тангаргалъя.” Тийм ээ, миний бие 2008 оны намар бахархалтайгаар тангараг өргөн нийт монгол улсын 170 мянга гаруй оюутны нэг, СЭЗДС-н 3000 гаруй оюутны нэг болж, “шинэ” хүн болсон. “Шинэ” хүн болох олон шалтгаан байсан, одоо ч би түүгээрээ бахархаж явна. Би ирээдүйд Монгол улсын хөгжлийн замыг гэрэлтүүлэх их үйлсэд үнэтэй хувь нэмрээ оруулах СЭЗДС-н оюутан хүн, Монгол улсын иргэн хүн билээ.

Оюутан хүний хамгийн гол шинж нь оюунлаг байх ёстой. Олж авсан мэдлэгээрээ бардан, бусдыг дорд үзэж, түүнийгээ буруу, бусармаг зүйлд ашиглахыг хэрхэвч оюунлаг хүн гэж хэлэхгүй. Өөрийн мэдлэгээ улам бүр гүнзгийрүүлэн, хэрэгтэй, хэрэгцээтэй цагт нь зөвөөр буюу ёс суртахуунлагаар ашиглаж, өөрийн орны хөгжилд хувь нэмэр оруулахыг оюунтан буюу оюутан хүн гэж нэрлэнэ. 3 жил оюутан хэмээх цолыг зүүж явахдаа өөрийн хэмжээндээ мэдлэгийг хуримтлуулан, өөрийгөө хөгжүүлэн, нийгэм ардынхаа төлөө чадах чинээгээрээ тусалж, ёс зүйн хэм хэмжээг баримталж яваа тул би оюутан хүн, оюунтан хүн.

Оюутан хүн нийгмийн идэвхи, санаачлагатай байх ёстой. Дан ганц мэдлэг, боловсролтой, ёс суртахуунлаг байх нь оюутан хэмээх улс гүрний 3 том хүчийн нэг болоход хангалтгүй юм. Нийгэмтэйгээ харьцан, болохгүй зүйлийг болгохын төлөө, болж байгааг нь өргөжүүлэхийн төлөө бусадтайгаа нэгдэн нийлж, хамтарч ажилладаг байх хэрэгтэй. Ингэж чадсан цагт сая оюутны хүч гэсэн цэргийн хүчээс дутахааргүй улс гүрний томоохон хүчин бий болно. Мод тарих, хандив өргөх, уралдаан тэмцээнд оролцох гээд л өөрсдийн чаддаг зүйлээрээ та идэвхтэй, санаачлагатай байж чадвал та жинхэнэ оюутан. Иймээс би нийгмийн идэвхтэй, хүсэл тэмүүлэлтэй оюутан, Монгол улсын ирээдүй.

Оюутан гэлтгүй иргэн бүрийн өдөр тутам, алхам бүртээ санаж явах зүйл бол эрх, үүргийн шүтэн барилдлага. Эрх, үүргээ зөв хослуулж чадсан буюу эрх, үүргийн шүтэн барилдлагыг зохист хэмжээнд нь баримталж чадсан хүнийг оюутан гэнэ. Өөрөөр хэлбэл үүргээ хангалттай түвшинд онц дүнтэй биелүүлчихээд, эрхээ эдлэх гэж байгаа хүнийг оюутан гэж нэрлэнэ. Оюутан хүний гол үүрэг олж авсан мэдлэг чадвараа цаг тухай бүрт нь шударгаар үнэлүүлж байх, бусаддаа хүндэтгэлтэй хандах. Өнөөг хүртэл олж авсан мэдлэгийн үнэлэлт дүгнэлт илхэн байгаа тул би өөрийгөө оюутан хүн гэж хэний ч өмнө нүүр бардам хэлж чадна.

Оюутан хүн гэдэг нь маш олон чанарыг өөртөө хослуулж чадсан, их оюунтан хүн билээ. Би 170000 гаруй Монгол улсын оюутны нэг, их Монгол улсынхаа хойч ирээдүй болсон эрч хүч, эрдэм мэдлэгээр дүүрэн цэнэглэгдсэн оюунтан хүн.

Өнөөдрөөс ирээдүй илүү үнэ цэнэтэй юу???

2011-04-15T23:44:00.001+08:00

Өнөөдөр блогширч явж байгаад ямар блог билээ мартаж, нэг блогоос "дараагийн зовлон иртэл өмнөх зовлон мартагддаггүй" гэсэн утгатай үг уншлаа. Тэгээд бодоод байлаалдаа, амьдралд өмнөх хаалгаа хааж байжийж дараагийн хаалгаа нээдэг. Бас хар бараан дурсамжийг дараачийн гэгээлэг дурсамж эдгээдэг. Бас хэзээ ч билээ, хэний ч билээ блогоос уншиж байсын, Хайрын шархыг хайраар эмчилдэг гээд л...

Тэгэхээр ямар ч тохиолдолд өнөөгийн юм өнгөрснөөс илүү үнэ цэнэтэй буюу өчигдөрөөс өнөөдрийг хүн илүүд үздэг байх нь. Энэхүү зарчмаар бол өнөөдрөөс маргааш илүү үнэ цэнэтэй байж таарах нь. /Яагаад ингэж хэлж байна вэ гэхээр: Хэрэглэгчийн ханамжийг эдийн засагт U үсгээр тэмдэглэдэг. "U(t-1) < U(t)" гэдгээс "U(t) < U(t+1)" гэсэн гаргалгаа гарч ирнэ./ Гэтэл бодит амьдрал дээр миний л хувьд өнөөдрөөс илүүтэй маргаашийг хайрлана гэдэг нь боломжгүй, утгагүй зүйл мэт. Маргааш ямар болох нь хамаагүй, гагцхүү өнөөдөр л хийж байгаа үйлдлээсээ таашаал, ханамж, кайф авдаг байх хэрэгтэй.

Эхэнд бичсэнрүүгээ буцаад очьё. Дараагийн зовлон хүрч ирээд миний зовлонг арилгаж өгөөсэй гээд, хар бараан дурсамжаа мартахын тулд гэгээлэг дурсамж бүтээхийг би л лав хувьдаа хүсэхгүй. Өнгөрсөн бол бодит биш учир нь тэр болоод өнгөрсөн, ирээдүй ч мөн адил хуурмаг тэр болохыг /will happen/ хэн ч мэдэхгүй. Гагцхүү цорын ганц бодит зүйл болох өнөөдөр, түүндээ л хамгийн сайхан байхаар буюу ханамжаа максимум байлгаж амьдръя.

Харин таны хувьд...

Англи хэл амжилттай сурах зөвлөгөө

2011-02-25T15:21:00.001+08:00

За миний англи хэл та нарт яаж сурахыг заана ч гэж юу байхав. Гэхдээ интернетээр англи хэлийг хэрхэн амжилттай сурах вэ гэсэн хайлт хийх явцад хамгийн түгээмэл гарч ирж байсан арга замыг танилцуулъя гэж бодлоо. Энэ бүгдийг нэг бүрчлэн хийгээд англи хэлний төгс мэдлэгтэй болно ч гэж юу байхав, гол нь тухайн хүний хичээл зүтгэлээс их зүйл хамаарах буй за.

Айж, санаа зовох зүйлгүйгээр ярих
Англи хэл сурахад хамгийн ихээр тохиолддог том асуудал бол тухайн хүний айдас. Дийлэнх хүмүүс англи хэлний үгсийг буруу дуудах, сайн яриж чадахгүй байгаа зэргээсээ үргэлж санаа зовж байдаг. Гэхдээ энэ бол маш буруу юм, ямарваа нэгэн зүйлийг бүрэн төгс сурах ганц зэвсэг бол чи чаддаг болтлоо түүнийгээ дахин дахин хийх. Англи хэл ч гэсэн ялгаагүй, чаддаг болтлоо хэнээс ч бүү ич, бүү имээ. Та чадна!

Өөрийн нөхцөл бололцоогоо бүрэн дайчил
Англи хэлийг та сургууль дээрээ юм уу, хэлний курст сурч байгаа бол танхимаас гадуур англи хэлийг сурах шаардлагагүй гэж хэрхэвч бодож болохгүй. Хэзээ ч, хаана ч өөрийн мэдлэгээ нэмэгдүүлэхийн тулд боломжит бүх арга хэрэгслийг ашиглах хэрэгтэй. Англи хэлийг амжилттай сурах маш олон арга байдаг бөгөөд, та ганц хоёроор өөрийгөө бүү хязгаарлаарай. Интернет нь аливаа зүйлийг олж мэдэн, суралцах төгс орчин болтлоо хөгжөөд байна, олон хүмүүс интернетийн орчинд англи хэлийг сурах нь хамгийн төгс арга гэж хэлж байгаам шүү!

Англи хэлээр өөрийгөө хүрээлүүл
Өөрийн эргэн тойрондох бүх зүйлсээ англи хэлтэй холбоотой болго. Англиар тэмдэглэл хөтлө, өөрийн номын тавиур, ширээн дээрхи англи хэлний номын тоогоо олон болго, англи хэлээр дуу хөгжим, радио сонс, англи хэлээр бичлэг, кино, мэдээ үз. Хамаагүй чаддаг болтлоо найзтайгаа санаа зовох зүйлгүйгээр англиар ярилц. Эргэн тойрон дахь бүх зүйлс англи хэлтэй холбоотой болохын цагт та өөрийн эрхгүй англи хэлээр бодож эхэлнэ :)

Унаган англи хэлтэй хүний ярихыг их сонс
Монгол дахь дийлэнх англи хэлний багш нар Англи хэлийг өөрсдийн 2 дахь хэлээ болгон сурсан байдаг. Харин шилдэг сургалттай, чанартай сургалтын төвүүд унаган англи хэлтэй буюу Англи, Америк улсын багш нарыг ажилд авах сонирхолтой байдаг. Учир нь англи хэлийг суралцаж буй оюутнууд багш яг яаж хэлж байна, ихэвчлэн тэрхүү дуудлагаар нь сурдаг. Тиймээс англи, америк хүмүүсийн яриаг боломжтой бол их сонсох хэрэгтэй

Англи хэлээр телевиз, кино үз
Хамгийн үр дүнтэй аргуудын нэг гэж олон хүн үздэг. Англи хэл дээр кино үзэх нь /эхэн үедээ Англи хадмал орчуулгатай байж болно, гэхдээ үргэлж хадмал орчуулгатай кино үзэх нь үр өгөөж багатай байдаг/ таны үгсийн санг нэмэгдүүлж, зөв дуудлагатай болоход тань тусална. Мөн мэдээ англиар үзэх нь олон янзын аялгын ялгааг олж танихад тань туслах болно.

Дасгал ажил, дараа нь өөрийгөө шалга
Олонх хүмүүс дасгал ажиллаж, тест бөглөх нь залхуутай ажил гэж үздэг. Хэдий тийм ч гэсэн ингэснээр таны англи хэлний түвшин мэдэгдэхүйц сайжрах болно. Дасгал, тест ажиллах нь таны мэдлэг хэр зэрэг нэмэгдэж байгааг мэдэх боломж олгоно. Та хэзээ ч тест ажиллахгүй бол өөрийгөө хэр зэрэг амжилттай сурснаа хэзээ ч мэдэж чадахгүй.

Дуу хоолойгоо бичиж ав
Ямар ч хүн өөрийн хоолойгоо хуурцаг, сд дээр явахад тийм ч тааламжтай ханддаггүй. Гэхдээ та ингэснээр өөрийн дуудлагын алдааг олж, цааш суралцахад тань нэмэр болно.

Англи хэлийг сонс
Англиар утсаар ярь, радио, сд сонс. Миний дээр хэлсэн англи хэл дээрх кино, мэдээ үзэхээс энэ нь шал өөр ойлголт шүү. Учир нь яриж байгаа хүнийхээ царайг харахгүй, зөвхөн дуу хоолойг нь сонсоно. Англи хэлийг амжилттай суралцаж чадсан хүмүүс утсаар англиар ярих хамгийн хэцүү байдаг боловч, хамгийн үр дүнтэй арга гэж хэлснийг санах хэрэгтэй.

Хамгийн сүүлд нь хэлэхэд танд амжилт хүсье. Өөрийгөө зовоож, дургүй зүйлээ хийж англи хэл сурахгүйгээр, сонирхолтой зүйлээрээ дамжуулж сурах нь илүү үр дүнтэй шүү.

Амьдралын утга учир

2010-12-01T23:22:00.000+08:00

Амьдрал юун дээр тогтдог вэ. Хайран дээр, сэтгэл дээр, мөнгөн дээр, итгэлцэл дээр, баяр баясал дээр, зовлон гуниг дээр гэх мэтчилэн маш олон зүйлийн нэгдэл дээр тогтоно. Харин зарим нэг хүмүүсийн хэлдгээр ганц сэтгэл байгаад та амьдралын утга учир, түүний мөн чанарыг ойлгож чадахгүй л болов уу. Дээрх миний бичсэн зүйлсээс гадна өөр маш олон зүйлс нэгдэж байж "амьдрал" хэмээх 7хон үсэгтэй энгийн үгийн утга учир, цаад санааг "төвөгтэй" болгодог. Бие хүн болгоны хувьд амьдралын утга учирыг ойлгоход дээрх зүйлс нь харилцан адилгүй нөлөөлдөг нь дамжиггүй.

Ойрын хэдэн өдрүүдэд тухайн хүн урагшаа явах эрч хүчээр дүүрэн, хангалуун амьдралтай болохын тулд тэмцэхэд хамгийн чухал зүйл бол ИТГЭЛ гэдгийг ойлгосон. Миний хувьд итгэл бол хамгийн чухал, үнэт зүйл юм байна гэдгийг бас мэдсэн. Иймээс нэг зүйлд хэт их итгэхгүй байх, эсвэл сэтгэл санааны бэлтгэлтэй байх хэрэгтэй. Итгэлээ алдсан бол ширэнгэн ойд харанхуй шөнө луужин, газрын зураггүй явж байгаатай адилхан буй за.

Эцэст нь амьдрал тэр чигээрээ харьцангуй ойлголт. Бид харьцангуй ертөнцөд амьдарч байна. Зарим нэг хүний хувьд бодит ертөнц гэж үзэн, тэр л ертөнцдөө өөрийн ханамжаа хамгийн их байлгахын тулд зүтгэж явахад, тэрхүү ертөнц нь өөр нэгний хувьд хийсвэр, зүүдний ертөнц ньбайж болох. Та ер нь бодит ертөнцдөө амьдарч чадаж байна уу....

Амьдралын харгуй

2010-10-24T16:22:00.000+08:00

Уртын урт зам зурайна

Урд ч хойно ч зам зурайна

Уул давж, усыг гаталсан зам зурайна

Учрах газар цэнхэртэн зам зурайна

Уртын урт зам зурайна...

Унтаад хоцрох юм бол

Уулзах газрын бараа балартана

Ууж суугаад үлдэх аваас

Улаан шороогоор шуурч үл үзэгдэнэ

Уймрах, гутрахын мөчид

Урдах зам хагдарч бутарна

Уйлж гэмшихийн цагт

Улангассан ширүүн аадар цутгана

Ухаантайсан явахын цагт

Урсгал усан дээр гүүр харагдана

Уянга дуугаа сэтгэлдээ хөглөхөд

Учиртайхан харц өөдөөс мишээн угтана

Уярч, омогшин зоригжиход

Урдах сүрлэг уулс дов болж үзэгдэнэ

Улс олонтой эвлэлдэн нэгдэхэд

Уулзварын тэртээгээс хүрэх газар ойртон харагдана

Уртын урт зам зурайна

Урд ч хойно ч зам зурайна

Уул давж, усыг гаталсан зам зурайна

Учрах газар цэнхэртэн зам зурайна

Уртын урт зам зурайна...

Монголын төлөө

2010-09-02T23:41:00.002+08:00

Чингис хаан, Мандухай цэцэн хатан, Богд хан, Сүхбаатар, Гүррагчаа, Мөнхбат, Бадар-Ууган, Дагвадорж зэрэг уртын урт хөвөрсөн нэрнүүдийг сонсоод танд юу бодогдож байна вэ. Монголын төлөө хэмээн зарим нь цусаа урсган, зарим нь хүч хөлсөө шавхан, үлдсэн хэсэг нь оюун ухаан, авхаалж самбаагаа дайчлан байж аугаа хэмээн цоллогдох үйл хэргийг гүйцэлдүүлсэн хүмүүс. Энэхүү уртын урт нэрсийн жагсаалт төгсөх учиргүй. Хэн тэгэхээр "Монголын төлөөх" гэсэн үйл хэргийг үргэлжлүүлнэ гэж...

Тиймээ та энэ үйл хэргийг цааш үргэлжлүүлэх хүн нь байх болно. Үүнийг уншаад цахим тооцоолуурынхаа ард "хэнэгчгүй" сууж байгаа хүн та би яаж ийм аугаа хүмүүстэй мөр зэрэгцэн оршиж чадна гэж өөрийгөө бодож магадгүй.

Гэтэл дээрх хүмүүс анх төрөхдөө л баатарлаг гавьяаг байгуулахаар заяагдаад төрөөгүй, өөрийн амьдралын төлөө гэсэн эцэж цуцашгүй хөдөлмөрлөснийхөө эцэст тэрхүү өндөрлөгт хүрсэн буй за.

Танд эдгээр хүмүүсээс ялгагдаад байх юм юу ч байхгүй. Адилхан л эхийн хэвлийгээс төрж, Монгол хэмээх өргөн уужим тал нутагт өсөж торнисон.

Чингис хаан шиг морио унаад, сэлэм бариад таныг яв гэсэнгүй. Гагцхүү өөрийн хийж чадах өчүүхэн зүйлсээс л Монголын төлөө гэсэн сэтгэл харагддаг юм шүү гэдгийг ойлгуулах гэсэн юм.

Энгийн зүйл хамгийн агуу байдаг гэдэг. Өчигдөрхөн сургууль хэмээх эрдмийн өргөөний босгоор алхаж орсон бяцхан хүүхэд хүртэл телевизийн сурвалжлагчид би эх орондоо сайн хүн болж бэлэг барина гэж байгаа нь үнэхээр гайхалтай. Тэрхүү бяцхан хүүгээс авахуулаад Монгол улсын иргэн бүрийн зүрх бяцхан хүүгийнх шиг Монголын төлөө хэмээн цохилж байгаа гэдэгт би эргэлзэхгүй байна. Гагцхүү тэрхүү зүрхний цохилтоо бодит амьдрал дээр хэрэгжүүлж байгаа нь хэд бол.

Дахиад хэлье. Энгийн зүйл хамгийн агуу байдаг. Эх орныхоо төлөө гэсэн сэтгэлээр өчүүхэн төдий хийсэн зүйл л энэхүү нийтлэлийн эхэнд байгаа хүмүүсийн нэрсийн жагсаалтанд таны нэрийг оруулах болно.

Гудамжинд явахдаа хогоо хаяхгүй байхаас, машинынхаа цонхоор татсан тамхины ишээ хаяхгүй байхаас, шүдээ угааж байхдаа крантныхаа усыг хааж байхаас, хаа тааралдсан газраа биеэ засахгүй байхаас, Монголчууд бие биенээ хүн ёсоор хүндэлж байхаас таны Монголын төлөө хэмээх зүрхний цохилт тань бусдад мэдрэгдэж, бусдыг сэргээж, цаашлаад Монголчууд бид өөрсдийгөө омогшуулж чадна.

Эцэст нь хэлэхэд хүн болгон Чингис хаан болох албагүй, гагцхүү хүн бүр өөрсдийн хийж чадах зүйлсээ хийхэд Монгол улс Чингис хааны үеийнхээс ч илүү хүчирхэгжих болно...

Та үүнийг мэдэхүү??? №3

2010-07-21T21:51:00.002+08:00

"Та үүнийг мэдэх үү" сэдэвт нийтлэлийнхээ 3 дахь хэсгийг Мөнгөний талаарх сонирхолтой баримтуудаар бэлтгэлээ. Таалагдана гэдэгт итгэж байна.
- "Саятан" гэдэг үг нь хамгийн анх Benjamin Disrael-н 1826 онд зохиогдсон Vivian Grey хэмээх романд хэрэглэгдэж байжээ.
- Хэрвээ та 1т-н доллар нэг сая ширхэг давхарлаж өрвөл энэ нь 110м-н өндөр, ойролцоогоор 1 тн жинтэй болно.
- Дэлхий дээр жилд ойролцоогоор 50 тэрбум долларын хүнсний бүтээгдэхүүн зарагддгын 20 тэрбум нь өөх тос, сахарын хэмжээгээр их хуурамч бүтээгдэхүүнд зарцуулагддаг байна.
- Харин дэлхийн хэмжээнд 1.1 триллион долларыг жилд боловсролын салбарт зарцуулдаг бол, цэрэг дайны салбарт 1.3 триллион доллар зарцуулдаг байна. Үүний 45%-г АНУ дангаар "эзэмшдэг".

- АНУ болон Европын орнуудын гэрийн тэжээмэл амьтдад зарцуулдаг жилийн зардал нь 17 тэрбум доллар.

- Дэлхий нийтийн эрүүл мэнд, тэжээллэг хооллолтын талаар зарцуулж буй жилийн төсөв 2.1 триллион доллар.
- Мөнгийг цаасаар хэвлэдэггүй бөгөөд ихэвчлэн хөвөн даавуу, зотон даавууны онцгой хольцоор хийдэг.
- Дэлхийн хамгийн том зоосон мөнгө бол 1850 оны үед Аляскад хэрэглэгдэж байсан зэс зоос юм. Тэрхүү зоос нь ойролцоогоор 1 метрийн урттай, хагас метрийн өргөнтэй 40кг-н жинтэй ба 2500 доллартай тэнцдэг байжээ.
- Анхны зээлийн кардыг 1951 онд American Express нэвтрүүлжээ.
- Хэрэглэгчдийн 30% нь кредит кардаа Зул сарын баярт зориулж авах бараа бүтээгдэхүүнд хэрэглэдэг бол 70% нь Зул сарын баярт зориулж мөнгөө хадгалдаггүй ба 86% нь 12 сард зул сарын үед хэрэглэх бараа бүтээгдэхүүнээ авдаг байна.
- Статистикчид орлогын түвшин өндөр, дунд зэрэг, бага гэсэн ямар нэг ялгаагүйгээр Зул сарын баярт өрхүүд ижил мөнгө зарлагддаг гэсэн тооцоог гаргасан байна.
- 1400 оны үед дэлхийн нийт орлого жилд ойролцоогоор 0.1%-р өсдөг байсан бол XX зуун, XXI зууны эхээр энэ тоо 5%-д хүрчээ.
- Forbes сэтгүүлээс гаргадаг дэлхийн хамгийн баян 400 хүний дундаж нас нь 60.
- 1955 онд дэлхийн хамгийн баян эмэгтэй байсан Hetty Green Wilks 95 сая долларын хөрөнгөө савангийн 4 ширхэг хайрцагт хийн гэрээслэн үлдээжээ.

- Өнгөрөгч 10 жилийн хамгийн баян эмэгтэй бол L’Oreal-н үүсгэн байгуулагчийн охин Liliane Bettencour юм.
- Хатан хаан II Elizabeth бол дэлхийн хамгийн баян 10 эмэгтэйн нэг.
- Бидний сайн мэдэх $ тэмдэглэгээг 1788 онд Oliver Pollock зохиожээ.
- Нийт саятангуудын 80%-нь өмнө нь хэн нэгэн хэрэглэж байсан машин унадаг.
- Тамхины үйлдвэрүүд нь нийтдээ 200 тэрбум долларын үнэтэй бөгөөд тэд жилд 6 триллион тамхи үйлдвэрлэдэг. Энэ нь дэлхийн нэг хүнд 1000 тамхи ногддог гэсэн үг.
- 1965 онд удирдах албан тушаалтнууд ажилчдаас 44 дахин ихийг олдог байсан бол 1998 онд 326 дахин их, 1999 онд 419 дахин ихийг олдог болжээ. Харин энэ тоо сүүлийн жилүүдэд 400 дахин гэдэг дээр тогтоод байна.
- NASDAQ-н арилжаа 1987 оны 12 сард ердөө ганц удаа хэрэм телефоны шугамын дагуу нүх ухсанаас болж саатжээ.
- 1999 онд The Wall Street сэтгүүлд "уналт" гэдэг үг 1583 гарчигт хэрэглэгдэж байжээ.

10 жилийн дурсамж

2010-07-20T14:43:00.002+08:00

10 жилийн сургуулиа төгсөөд нэг мэдэхэд 2 жил гаран болжээ. 2008 оны хавар Хонхны баяр дээр ангийн багш маань хүүхэд болгонд нэг нэг тэмдэглэлийн дэвтэр дээр дурсгалын үг бичин өгч байлаа. Тэрхүү дэвтэр дээрээ төгсөхөөсөө өмнө ангийн бүх хүүхдүүдээр бичүүлж чадаагүй ч гэсэн дийлэнхээр нь дурсгалын үг бичүүлж авсан юм. Одоо 2 жилийн дараа үүнийг уншихад үнэхээр гоё, сайхан, дурсамжтай байна. Та бүхэнд үүнийгээ хуваалцахаар шийдлээ. Таны ч гэсэн сайхан дурсамжийг сэргээнэ гэдэгт итгэлтэй байна.

1. Эх орны хорин сайхан иргэн

Эр цэргийн хорин сайхан эрс

Эхнэр хэмээх бүсгүйн хорин сайхан хань

Ирээдүйд төрөх үрсийн хорин сайхан эцэг...

Золбоотой нэгэн Золоо хүү

Зориг зүрх ихтэй хүү

Зорьсон хэргээ бүтээх хүү

Зол жаргалтай ирээдүйн их эзэн

Хайртай шавьдаа хүссэн сургуульдаа орж хүссэн мэргэжлээ эзэмшин

аз жаргалаар бялхаж, үргэлж гэрэлтэж яваарай

Шавьдаа хайртай багш нь 2008.05.10

2. Зургаан жилийн өмнө би энэ ангид орж ирсэн. Ангийн анд Золжаргалдаа аз жаргал хүсье. 2008.5.15

3. Анд найз гэдэг нэрийн дор

Арван жил явжээ бид!

Алагхан тэр зүрхэндээ бид

Аугаа их хүслээ тээжээ!

My найз үргэлж инээж энэ хорвоогийн хамгийн жаргалтай хүн байгаарай

Үүнд бид анги хамт олон чинь үргэлж хамтдаа.

2008.5.15 Багш юм ярьсаар л

Life is Good! Friends Forever !

4. Ангийн анд Зоогийдоо. Чи үргэлж инээж, үргэлж сайхан баясаж яваарай, найзыгаа үргэлж дурсаж яваарай. My найз хүссэн сургуульдаа орж сайн хүн болоорой за юу....

Бид үргэлж найзууд шүү.

5. Best wishes for you!!! Don't forgetting for classmates OK

Зоогий чи их чадварлаг boy

Зоригтой бас ухаалаг boy

Амьдралын их замд гарсан ч

Анд минь чи алдахгүй

Санасан болгоноо бүтээж

Сарвайсан сургуулиа аваарай

Чи чаднаа You can!!!

Үргэлж хамтдаа

6. Нэргүй Төмөрөө 5.1

7. Аяа бидний нөхөрлөл

Ахиж ирэхгүй шүү найзаа

Амьдрал гэдэг даваан дээр

Анд нөхөд биднийгээ бүү мартаарай

Найз чамдаа хайртай шүү

Анд минь хүссэн сургуульдаа орно шүү за юу.

8. Хамгаас эрхэм найз Золжаргалдаа:

Чамдаа аз жаргал, эрүүл энхийг хүсэн ерөөе!!! Зорилгоо заавал биелүүлээрэй. Үргэлж бусдыг манлайлж яваарай. Хайртай шүү.

9. Зорьсон зорилгодоо заавал хүрээрэй. Чи чаднаа.

Амьдрал чинь аз жаргал, инээд хөөрөөр дүүрэн байхыг хүсэн ерөөе.

Үргэлж инээж яваарай.

11Б үргэлж хамтдаа.

2008.05.15

Good Luck

10. Хэзээ ч бид салахгүй найзууд хэвээрээ

Хаана ч бид холдохгүй андууд хэвээрээ

Хэрхэвч нэгнээ мартахгүй нөхөрлөл минь хэвээрээ

11. Алдаж болно залуу нас
Андуурч болно хоёр нүд
Хальтарч болно хоёр хөл
Хайрлаж болно зүрх сэтгэл

Тоо бодох толгойтой

Толгой холбох үгстэй

Охин дурлуулах царайтай

Онцгой өндөр биетэй

Аргагүй л манай Зоогийдоо

2008.5.14

12. Цомирлогоо нээсэн цэцэг шиг

Цоглог байг амьдрал чинь

Цаглашгүй арвин бүтээлээр

Цуурайтаж яваг алдар чинь

Зоогий чамдаа

Кавказын урт нас

Сибирийн эрүүл энх

Цыгааны аз жаргал

Энэтхэгийн хайр дурлал

Индианы эр зориг

Грекийн гоо сайхан бүхнийг хүсье

Бидний хамтдаа байсан цаг мөч бүхэн амьдралын минь үүрдийн дурсамж юм шүү.

Уурлуулж байсан бол зөндөө их Уучлаарай

Гоо сайханд нь дурлавал чи зовно

Гоё хувцасанд нь дурлавал чи алдана

Сайхан сэтгэлд нь дурлавал чи ононо

Саруул ухаанд нь дурлавал чи хожино.

Ангийн анддаа: Санасан бүхэн нь биелж Сарвайсан бүхнээ авч яваарай.

13. Hey найз минь чамдаа энэ хорвоогийн хамгийн сайн сайхан бүхнийг хүсье.

Бид 2 чинь нэгдүгээр ангиасаа өдийг хүртэл ангидаа гүрийсэн гал хамууд юм байна ш дээ /хэхэ/

Ma найз үргэлж инээж яваарай /smile smile smile/

Алиа хошин зантай ч

Арвин их мэдлэгтэй нь чи шүү

Анд биднийхээ гоц нь болсон

Ангийн анд чамдаа хайртай шүү.

Бидний зүрх нэгэн хэмд цохилно Бид хамтдаа 11Б-хэн.

14. Би яг уйлах нь. Өнөөдөр хамгийн сүүлчийн хичээл. Чамайг Гоозий гэж дуудах цаг, намайг ... гэж дооглох цаг өнгөрлөө шүү дээ. Дахиж ангидаа сууж, багшдаа загнуулж, хэрэлдэж, муудалцаж байх цаг өнгөрлөө. Гадаа тааралдвал намайг дахиад дооглоорой ОК. Их гоё санагдах байхдаа, би чамайг зөрүүлээд дооглоно шүү за.

Намайг мартаж болохгүй шүү.

Харин би чамайг мартахгүй эээээ.

15. Hi, Зоогий

Ангийн анд чамдаа аз жаргал хорвоогийн хамгийн сайн сайхан гэрэл гэгээтэйг хүсэн ерөөе. Үргэлж сайн найзууд байна шүү. 11Б бид үргэлж хамтдаа

16. Нэг ангийн анд Зоогийдоо энэ хорвоогийн хамгийн сайн сайхан бүхнийг хүсье!!! Анд нөхдөө үргэлж дурсаж яваарай.

Хоёулаа энэ 10 жилийг дурсгалтай, дурсамжтай, хөгжилтэй, баяр хөөрөөр дүүрэн өнгөрөөсөн... Ингээд салшгүй цаашид анд найз хэвээрээ байна шүү заааааа. 2008.5.16

17. Хайрт хөөрхөн Зоогийдоо хүссэн сургуульдаа ороод хэнээс ч дутахааргүй сайхан амьдраарай гээд 2 чолктой андаас нь бичиж дурсгалаа. Чи чаднаа

Чамд 2 чолк нь хайртай шүү. За их сургуульд орчихоод битгий ....-д байгаарай.

Хэнээс ч нуугаагүй бидний үерхэл

Хэнээс ч харамлах бидний найзууд

Хэзээ ч салшгүй нандин нөхөрлөл юм шүү

Аниагаа хэзээ ч битгий мартаарай Okey. Аниа нь дүүдээ маш их хайртай хэхэ

Ангийнхыгаа мартаж болохгүй шүү!!! Үүрд бид хамтдаа. 2008.5.16 нд

18. Нэг ангид хар багаасаа одоог хүртэл суралцсан чамдаа аз жаргал сайн сайхан бүхнийг хүсье. Чи амьдралдаа алдахгүй сайхан амьдрах болтугай.

Нээрээ чамаар дахиж дооглуулахгүй гэж бодсон чинь сонин байна шүү. Сэтгэл гэгэлзээд л...

Чинийх ч бас тэгж байгаа байх гэж бодож байна. За тэгээд ингээд бичцэн чинь гадуур тааралдах болгондоо дооглов доо!!!!!

За тэгээд цаашдаа байнга холбоотой байна биздээ. Битгий .... найзыгаа мартаарай. Мартвал зөндөө их гомдоно шүү. За за бака. 2008.5.16-нд 13.00-д үлдээв.

19. Ангийн анд найз чи минь

Амьдралдаа хөл алдалгүй

Хаана ч хэний доор оролгүй

Аз жаргал инээд хөөрөөр дүүрэн амьдраарай найз минь.

Хэзээ ч марташгүй 11Б Хэн ч атаархмаар 11Б

Амжилт хүсье андаа!

20. Бидний зүрх сэтгэл нэгэн хэмнэлд цохилно Бид хамтдаа 11Б

Хэдийгээр та нартайгаа 1-р ангиасаа цуг суралцаж чадаагүй ч богинохон хугацаанд олон дурсамж үлдээсэн энэ ангийнхандаа би хязгааргүй их хайртай

Миний найз ухаантай учраас амьдралдаа ховорхон алдаж, аз 60галтай амьдрана гэдэгт найз нь итгэж байна.

Миний амьдралын хамгийн сайхан, ариун нандин дурсамж үлдээсэн 11Б ангиа би хэзээ ч мартахгүй.

Чамдаа энэ хорвоогийн хамгийн сайн сайхан бүхнийг хүсье.

Найздаа хайртай шүү.

"Сүүлчийн хичээлийг дараа хаачих вэ /Удирдах/ " 2008.5.16-ны 13:25-д бидний гэр болсон ангийн маань самбар дээр ингэж бичсэн байв. ккк

21. Нэг ангийн анд найз чамдаа

Амьдралд чинь аз жаргал

Ажилд чинь амжилт бүтээлийг хүсэн ерөөе.

зоогий чи шалгалтаа сайн өгч, хүсэж байсан САНХҮҮ гээ авч чаднаа. Үргэлж холбоотой яваарай. 11Б үргэлж хамтдаа.

Таамаглал №3

2010-06-15T16:34:00.004+08:00

ДАШТ эхлээд сонирхолтой тоглолтууд олноор болж, хүмүүсийн ярианы гол сэдэв бол яахын аргагүй хөлбөмбөг болоод байна. Хөлбөмбөг гэдгийг мэддэггүй, сонирхдоггүй байсан олон хүмүүс амтанд нь эргэлт буцалтгүй орж, нойр хоолоо мартан үзэж байгаа бол хөлбөмбөгийг хэзээ ч сонирхохгүй, хөгийн эд гэсэн зарим хэсэгт нь ярих зүйл олдохоо больж дэмий уйтгарлан сууж байна :P. Ингээд таамаглалынхаа III хэсэг буюу шөвгийн тоглолтуудынхаа таамаглалыг дэвшүүлье.

Шөвгийн 16.

I тоглолт. Таамаглал ёсоор Уругвай - БНСУ URU vs KOR
Эхний тоглолтуудыг хараад байхад 2лаа л дажгүй байсан. Гэхдээ Азийн төлөөлөл шөвгийн 8-д үлдэх бүрэн эрхтэй харагдаж байналээ. Пример лигийн бүтээгдэхүүнүүд болох Парк, Лий 2 өнгөтэй байгаа тул БНСУ-г хожино гэе.
II тоглолт. Англи - Серб ENG vs SRB
Англичуудад бол Серб юм болохгүй байх гэж бодож байна. Сербчүүд хэсгээсээ гарч ирсэн нь том амжилт байх болов уу. Англичууд торох юмгүйгээр шөвгийн 8-д орох байх.
III тоглолт Герман - Америк GER vs USA
Англитай Америкчууд яаж тоголлоо Германчууд хэрхэв ч тайвширч болохгүй. Тэгэхдээ буйр, улсын "нэр хүнд" заан Германчууд гараад ирэх байх. Төвдөө Швани-г тийм сайн найруулна гэж бодоогүй. Швани энэ чигээрээ тоглох юм бол Германчуудын ирээдүй гэрэлтэй байна.
IV тоглолт Аргентин - Франц ARG vs FRA
Миний таамаглал ёсоор бол шөвгийн 16-н хамгийн сонирхолтой тулаануудын нэг. Месси шигшээ багтаа тааруухан тоглодог уламжлалаа хэсгийн эхний тоглолтонд бас л харуулсан. Түүний хувьд хаалга битүү юм шиг л байсан. Гэхдээ бүрэлдэхүүний хувьд хамаагүй илүү байгаа Аргентинчууд ширүүн тулааны эцэст хожих байх. Магадгүй пеналтигаар.
V тоглолт Голланд - Итали NED vs ITA
Италийг 2-р гарна гэе. Учир нь өнгөрсөн шөнө Парагвайтай тэнцэж, байдал эвгүйдсэн. Хурд, уран гоё тоглолтын эсрэг хамгаалалт, тактик ажиллана. Энэ удаад Голландчууд азгүйтлээ зогсоож шөвгийн 8-д залрах байх.
VI тоглолт ЗЯЭ - Гондурас CIV vs HON
ЗЯЭ-г үхлийн хэсгээр нэгээр гаргасан юм чинь шөвгийн 16-д хожигдуулж хэрхэвч болохгүй биз. Тэд ч хэрвээ нэгээр гарч чадвал юун 16 байтугай хол явна. ЗЯЭ хожино.
VII тоглолт Парагвай - ДаниPAR vs DEN
Шөвгийн 16-н хамгийн сул оноолт. Гэхдээ хэсгээ тэргүүлэн гарч ирснийх Парагвай арай илүү байх болов уу. Парагвай хожино.
VIII тоглолт. Спайн - Бразил ESP vs BRA
Энэ 2 багийг олон хүмүүс шигшээ тоглолтонд таарна гэж байгаа. Хэрэв 2-уул хэсгээ тэргүүлж чадвал, тийм боломж байгаа. Гэтэл Бразилийг 2-р гарна гэж таамагласан тул "шигшээ тоглолт" 7сарын 11-нд биш 6сарын 29-нд болох нь. Мөнхийн азгүйтлээ энэ жил зогсооно гэж байгаа Спайнчууд чадах болов уу? Тэдний хувьд энэ шилдэг бүрэлдэхүүнээрээ сүүлийн удаа ДАШТ-д оролцож байна хэмээн ойлгож болно. Чави, С.Рамос, К.Пуюоль нарыг "ядаж" шөвгийн 8д үлдээмээр байна. Спайн хожино, цаашлаад тэдний зам тэгшрэх биз дээ.

Шөвгийн 8.

I тоглолт. Голланд - ЗЯЭ NED vs CIV
4 жилийн өмнө хожигдсон хариугаа авах гэж тоглох байх ЗЯЭ-чүүд. Гэхдээ голландын довтолгооны шугамыг зогсоох шилдэг хамгаалагчид К.Туре-с өөр байгаа гэж үү. Голланд хожино.
II тоглолт БНСУ - Англи KOR vs ENG
Англичууд шөвгийн 8-г л давж чаддаггүй. Харин энэ удаад өөр байх бололтой. Харин ч хөнгөхөн учраа гэж бодож байна. Англи хожих болов уу. Гэхдээ тэдний бүх тоглогч нарыг мэдэх Парк, Лий нарын мартаж болохгүй.
III тоглолт Герман - Аргентин GER vs ARG

Түүх давтагдах нь. 4 жилийн өмнө энэ 2 баг яг энэ шатанд таарч байсан. Тэр үед Германчуудыг нутгийн дэвжээ түшсэн бол, энэ удаад шал эсрэгээрээ байгаа. Аргентин хариугаа авах биз. Харин Месси-н OneMan шоуг бид харж магадгүй.

IV тоглолт Парагвай - Спайн PAR vs ESP

Энэхүү тоглолтонд олон юм бичихээ больё. Мэдээж Спайн илүүрхэнэ байх.

Хагас шигшээ.

I тоглолт Голланд - Англи NED vs ENG
За даа хагас шигшээг таамаглах гэхээр үнэхээр хэцүү байна. Миний хувьд Английг энэ удаад 1-р багаараа, Голландыг 2-р багаараа дэмжиж байгаа тул бүр ч хүнд байна. Англичууд ийм хол явсных залуу, ид ирэн дээрээ байгаа Голландыг аргалж чадах байх хэмээн бодож байна. Англи финалд тоглоно.
II тоглолт Аргентин - Спайн ARG vs ESP
Уламжлал ёсоор бол энэ жил Европоос өөр тивд зохиогдож байгаа тул Өмнөд Америкийн баг түрүүлэх ёстой. Харин энэ жил уламжлал эвдэгдэж, Спайнчууд гараад ирэх байх. Учир нь тэдний арын шугамынхан Игуйан, Месси зэргийг яаж барихаа бүр маш сайн мэднэ. Спайн хожино.

Хүрэл медалийн төлөө тоглолт Голланд - Аргентин NED vs ARG

Голланд илүүрхэх биздээ. Тэдний хувьд алдах юмгүй чөлөөтөй тоглолт үзүүлнэ байх. 2010 оны ДАШТ-н хүрэл медалийн эзэн Голланд гэе.

Алтан дагинын төлөөх тоглолт Англи - Спайн ENG vs ESP

Үеийн үед азгүйтдэг Английн шигээ баг ийм хол явж ирчээд, өмнө нь ганцхан даваа үлдээд байхад яах бол? Спайнчууд Бразилийг хожсон эрчээрээ түрүүлэх болов уу? Лампард, Жеррард харууслын нулимстай үлдэх болов уу эсвэл Шави, Касияас, Торрес нар уу.
Танд энэхүү асуултыг нээлттэй үлдээе.
Дэлхийн аваjгаар ямар баг тодрох бол??? Энэ бол миний таамаг. Харин таных???

Таамаглал №2

2010-06-09T21:06:00.001+08:00

Одоо та бүхэнд сүүлийн 4 хэсгийн таамаглалаа хүргэе.

E хэсэг

NED

DEN

JPN

CMR

ДАШТ-н сонгон шалгаруулалтанд Голландын хэрхэн тоголсон, дундын болон довтолгооны бүсийн хүчирхэг байдал зэргээс тэднийг 1-р гарна гэж таамаглахаар байна. Хамгаалалтын бүсэд дэлхийн түвшний тоглогч байхгүй ч энэ нь хэсгийн тоглолтод асуудал үүсгэхгүй байх. Харин шөвгийн 16-с эхлээд энэхүү сул тал нь гай тарьж мэдэх.

Нисдэг Голландыг дагаад энэ хэсгээс аль баг гарах бол? Том амтай дасгалжуулагчтай Японы шигшээг гэж би хувьдаа бодохгүй байна. Сонгон шалгаруулалтад Португалийн шигшээг ардаа орхин 1-р гарсан Данийн шигшээг гарна гэж таамаг дэвшүүлье. Гэхдээ тэдний гол өрсөлдөгч үеийн үед довтлогчдоороо алдартай Камеруныг мартаж болохгүй.

F хэсэг

ITA

PAR

NZL

SVK

Би буруу бодоогүй бол нөхөрсөг тоглолтуудыг Италийн шигшээ хожил авч чадаагүйгээр дуусгасан. Сулхан хэсэгт орсон тулдаа буйр заан хэсгээсээ гарах байх. Харин хэдээр бол? Гол найруулагч Пирлогийн тоглох эсэх нь эргэлзээтэй, тоглолоо гэхэд ямаршуухан формтой байх бол.
Шинэ Зеландын шигшээ багийн хувьд ДАШТ-д тоголж байгаа нь том амжилт болов уу. Хожил авах нь битгий хэл, нэг гоол хийх гэж тэмцэх байх.
Сонгон шалгаруулалтад гайхалтай байсан Парагвайчуудыг Словакаас арай илүү боломжтой гэж үзэж байна. Итали Парагвайн хоорондын тоглолтод хэн нь илүү байсан нь хэсгээ тэргүүлэх биз.

G хэсэг

BRA

PRK

CIV

POR

Үхлийн хэсэг гэхэд дэндүү үхлийн хэсэг гэж энийг хэлэх байх. БНАСАУ-н хувьд өөр сулхан хэсэгт орсон бол хожил авахын төлөө тоглох байсан биз. Харин энэ удаад харамсалтай нь тэдний хувьд оноо авна гэдэг үлгэр болох байх.

Тэгэхээр үлдсэн 3 багийн хооронд тэмцэл өрнөх нь. Ядаж байхад 3ууланг нь хэсгээсээ гараасай гэж хүсэж байсан юмсан. Нөгөө 2оо бодвол чансаа өндөртэй байгаа бразилчуудад илүү боломж байгаа гэх боловч ЗЯЭ, Португал 2-н аль нэгэнтэй нь оноо хувааж мэдэх.

Хагасуудын бэлдэж өгснийг гүйцээх тамирчин дутмаг Португальчууд азгүй байж, Африкийн дэвжээ ЗЯЭ-г ивээж, энэ хэсэгт "цаашдын" хөлбөмбөгийн ертөнцөд эргэлт гарсан тоглолтууд явагдана хэмээн таамаглаж байна.

1-р байраар ЗЯЭ гарч, 2-р Бразил гарна гэж бодном.

H хэсэг

ESP

SUI

HON

CHI

Байрлал бүр нь шилдэг тамирчдаар гахсан Спайнчууд бол дэлхийн аваргын гол фаворит. Бараг сэлгээний тамирчид нь муухан улсын шигшээг "нугалчихаар" байгаа. Тэдний хувьд ойлгомжтой 1-р гарна биз. Харин хэсгээсээ гараад азгүйтдэг уламжлал энэ удаад давтагдаж болох. Үхлийн хэсгийн 2-р байраар гарсан багтай таарна шүү дээ.

Харин 2-р байраар Хойд Америкийн битүү морь Гондурасыг нэрлэж байна. Тэмцээн бүрт ямар нэг баг гэнэтийн бэлэг барьдаг. Харин энэ удаагийнх Гондурас гэж таамаглая.

Тэмцээн эхэлсний дараачаас шөвгийн тоглолтуудын таамаглалаа бичнээ.

Таамаглал №1

2010-06-09T20:34:00.001+08:00

4 жил хүлээсэн ДАШТ нэг мэдэхэд хаяанд ирээд, нөгөөдөр нээлт нь болох нь. 2006 онд Германд болсон дэлхийн аваргаар зуслан явчихаад плей-офф-ын тоглолтуудыг үзэж чадаагүй ахиад яаж 4 жил хүлээнээ гэсэн нэг л мэдэхэд хаяанд иржээ. Ингээд олон хүмүүс өөрсдийн таамгаа дэвшүүлээд байна, би ч сэтгэл хөдлөөд юугаараа дутах юм гэсэндээ дэвшүүлэхээр шийдэв :p.

A хэсэг.

RSA - ӨАБНУ

MEX - Мексик

URU - Уругвай

FRA - Франц

Таамаглал: Олон хүмүүс Францыг нэгээр гарна гэж байгаа. Нөхөрсөг тоглолтууддаа муу тоглож, манай урд хөршид хүртэл хожигдсон, Бензема, Насри зэрэг одуудыг авч яваагүй гээд л тэднийг хэсгээ тэргүүлнэ гэхэд эргэлзэх хүмүүс олширсоор. Би хувьдаа 2-р "арай хийж" гарна гэж таамаглаж байна. Францын фенүүд уучлаарай :P

Харин энэ хэсгийг хэн тэргүүлэх бол? Нутгийн дэвжээ түшсээр ӨАБНУ уу? эсвэл гайхалтай 2 довтлогчтой Уругвай юу?, тэмцээн бүрт тогтмол амжилт үзүүлдэг Мексик үү?

Өнгөрсөн улирал гайхалтай формтой байсан Л.Суарезыг /Аякс багт 33 тоглолтод 35 гоол хийсэн/ хэсгээсээ гарахгүй байна гэхэд шударга бус зүйл болох байх. Уругвайн шигшээг 1-р гарна гэж "том" таамаглал хийе.

B хэсэг

ARG

NGA

KOR

GRE

Мессиг улсдаа таарүй тоглолт үзүүлдэг, "эх оронч" бус гэж зарим нь дүгнэдэг. Месси муу тоглолоо ч олон шилдэг тоглогчтой Аргентиний хувьд энэхүү сулхан хэсгээс торох юмгүй гарч ирэх байх. Ер нь бол 100% амжилт буюу 9 оноотой гарч ирэх болов уу. Марадонагаас Милитог талбай дээр их тоглуулаасай л гэж хүсэх байна.
2-р байрны төлөө жинхэнэ "гал гарах" байх. Ширүүн тэмцлийн дундаас БНСУ гараад ирэх болов уу. ер нь бол Нигер, БНСУ нар өрсөлдөх байх. Харин уйтгартай тоглолттой Грекчүүд энэ 2-н аль нэгэнтэй оноо хувааж, гай тарьж магад. Тэр азгүй баг нь Нигер байж, азийн төлөөлөл болсон БНСУ гарах болов уу.

C хэсэг

ENG

USA

ALG

SVN

Тэмцээн бүрт Англичууд хэсгийн тоглолтыг торох юмгүй давж, плей-оффт л жинхэнэ асуудалтай тулгардаг. Энэ уламжлал ч давтагдаж, Английн шигшээ 9 оноотойгоор дуусгах байх, оноо алдлаа гэхэд нэг тэнцэж 7 оноотой.

Өнгөрсөн жилийн Тив хоорондын цомын тэмцээн дээр АНУ шигшээ "агуу" Спайныг хэрхэн өвдөг сөхрүүллээ, тэр эрчээрээ Английг дагаад хэсгээсээ гарчих болов уу. Энэ удаагийнх Африкт болж байгааг хэрхэвч мартаж болохгүй, Алжирчууд ямар ч бэлэг барьж мэднэ. Тэднээс энэ хэсгийн бүх баг "эмээж" байгаа байх.

D хэсэг

GER

AUS

SRB

GHA

Хэсгийн лидер бол яах аргагүй Германчууд. Хэдийгээр "балладаг" Баллак байхгүй ч тэдний хэсгийн тоглолтод нэг их асуудал үүсэхгүй байх. Гэхдээ яав ч сул хэсэгт тооцогдохгүй. Хэзээ ч цуцдаггүй Ганын шигшээ, хамгаалалт гэж хана хэрэм мэт Сербчүүд, Ногоон тивийн хатуу самар Австраличуудыг дутуу үнэлж болохгүй. Энэ хэсгийн 4 баг дөрвүүлээ хэсгээс гарах боломжтой ч туршлага заан Германыг нэгээр гарна гэж бодном. Харин 2-р хэн бол???

Би хувьдаа энэ хэсгээс 2-р тэр гээд хэлчих таамаг алга.Хамгаалалтын хувьд бат бэх Сербчүүдийг /Тэдэнд МАНЮ-н Видич, Челси-н Иванович нар байгаа/ Ганатай оноо тэнцэн, бөмбөгний зүрүүгээр 2-р гарах боломжтой гэж таамаглая.

Харьцуулалт

2010-05-24T23:37:00.003+08:00

Ойрын хэдэн сар блогтоо зав гаргалгүй, халтуурдсан байдлаар авч яваад байсан, харин өнөөдөр нэг нийтлэл бичдэг юм билүү гэж зориглон, компьютерийнхээ ард суун бичиж байна.
Хүний итгэл үнэмшил гэж агуу зүйл. Хүний итгэл үнэмшлээр дамжуулан тухайн хүнийг алж ч болно, нэг бол амилуулж ч болно. Тэгэхээр итгэл үнэмшил гэсэн зүйл хаанаас, ямаршуу байдлаар үүсэн бий болдог вэ. Би бээр итгэл үнэмшил нь харьцуулалт гэсэн зүйлээс урган гарч ирдэг гэж муухарлан бодсоны үндсэн дээр энэхүү сэдвээр бичлэг бичихээр шийдлээ.

Туйлын муу зүйл, туйлын сайн зүйл байдаггүй гэж Буддын сургаалд сургасан байдаг. Тэгэхээр ямарваа зүйл өөрийн гэсэн "сайн" тал, басхүү "муу" талтай байх нь. Муу, сайн гэгч үгийг хашилтанд хийсний учир нь надад сайн гэж санагдаж байгаа зүйл, өөр хэн нэгэнд муу санагдаж болох юм.
Тухайн хүрээлэн буй орчиндоо хамгийн шилдэг, сайнд тооцогддог зүйл өөр орчинд ороход бүр шал эсрэгээрээ эргэх тохиолдол олонтаа. Хамгийн энгийн жишээ гэвэл Монголчуудын хувьд нийтлэг зүйл болох Соёлын шок юм. Мань хүн монголдоо л нэг ганган дэгжин, пээдгэр гар яваад байдаг, харин дэлхийн өндөр хөгжилтэй, өрнийн соёлд ороход өөрийгөө хэн ч биш гэдгээ мэдрэх явдал.
Бидний мэдэх хамгийн том зүйл болон хамгийн жижиг зүйл юу вэ?
Манай одны аймгийг асар том гэдгээр нь хүмүүс мэддэг, цааш задрахгүй эгэл хэсгийг буюу хамгийн жижиг зүйл бол электрон гэдэг ч гэж хүмүүс мэддэг /итгэдэг/. Үнэндээ бол манай одны аймгаас том зүйл, электроноос ч жижиг зүйл байхгүй гэж үү?Би бол байгаа гэж хэлнэ. Харин хүмүүсийн итгэл үнэмшилд тогтсон энэхүү ойлголтыг өөрчлөхөд хэцүү.
Манай одны аймаг нь хэн нэгний хувьд бидний хамгийн жижиг гэж тооцдог электрон шиг ч төсөөлөгддөг юм билүү, электрон дотор хэдэн арван сая гариг байрлаж, бидэн шиг "хүмүүс" идэж уун, сурч боловсрон амьдарч байгаа ч юм билүү хэн мэдлээ...

G.S.Maddala - Introduction to econometrics

2010-05-24T21:27:00.000+08:00

Экономикс-1 хичээлийн англи хэл дээрх үндсэн сурах бичиг болох G.S.Maddala-н Эконометрикс номыг *pdf өргөтгөлтэйгөөр хүргэж байна.

Татах

Өргөө кино театрийн маркетингийн үйл ажиллагааны үнэлгээ

2010-05-18T22:42:00.001+08:00

Сүүлийн жилүүдэд манай улсад кино урлагийн салбар социализмийн үеэс хойш анх удаа хүчээ аван, 7 хоног бүр шахуу шинэ кино “мэндэлдэг” болоод байгаа билээ. Энэхүү давалгааны хүрээнд иргэдийн тэр дундаа залуусын чөлөөт цагаа өнгөрүүлэх хамгийн тохиромжит арга нь кино театраар үйлчлүүлэх болсон юм. Нэмэгдэж байгаа эрэлт хэрэгцээ, энэ дундаа залуучуудын чөлөөт цагийг зөв боловсон өнгөрүүлэхэд чиглэсэн үйлчилгээ олноор нэмэгдэж, зах зээлийн өрсөлдөөн бий болж байгаа энэ цаг үед маркетингийн өргөн цар хүрээтэй бодлоготой, олон улсын шаардлага хангасан үйлчилгээний жишигтэй, хамгийн сүүлийн үеийн дэвшилтэт техник технологитой, энтертэйнментийн шинэлэг хэлбэрүүдийг нэвтрүүлсэн цогц үйлчилгээг кино урлагийн салбарт санал болгож буй байгууллага нь “Өргөө” кино театр билээ.

Монгол улсын кино театрын зах зээл нь хамгийн их ашиг олж болохуйц салбарын нэг боловч, энэхүү зах зээл дээр Өргөө, Тэнгис гэсэн хоёрхон кино театр олигополь байдлыг үүсгэн оршиж байна гэхэд буруудахааргүй байна. Иймээс кино театрын зах зээлийн тэргүүлэгчдийн нэг Өргөө кино театрыг сонгон авч маркетингийн хольц, өрсөлдөөн зэрэг талаас нь үнэлж, дүгнэн бичихийг зорилоо.
Анх 1989 онд тухайн үеийн ЗХУ-с бидэнд барьсан бэлгүүдийн нэг болох “Өргөө” кино театр нь Ардчиллын шуурганд уруудан нэг хэсэгтээ “үхмэл” байдалд ороод байв. “Үхмэл” байдалд орсны гол шалтгаан нь удирдлагын буруу үйл ажиллагаа гэхээсээ илүүүтэйгээр кино урлагийн салбарын зогсонги байдал буюу бэлтгэн нийлүүлэгчид хомс байсантай холбоотой юм. Харин 2005 оноос кино урлагийн салбар хүчээ аван, Өргөө кино театр үйл ажиллагаагаа дахин эхлүүлэх боломжтой болж 2007 оны сүүлээр “Сод Монгол Групп” ХХК-ийн охин компани болох “Нью Тур Сафарис” ХХК дэлхийн алдарт “Варнер Брос Интернэшнл” кино компанитай хамтран Өргөө кино театрын шинэчлэлтийн ажлыг эхлүүлж, 4.5 тэрбум төгрөгийн төсвөөр бидний хамгийн ихээр үйлчлүүлэх дуртай Өргөө кино театр маань шинэ өнгө төрхөө олсон юм.
Маркетингийн 4Р-н нэг болох бүтээгдэхүүнийг Өргөө кино театрын хувьд шинжилье. Хамгийн сүүлийн үеийн дэвшилтэт технологийг ашиглан, зах зээл дээр бүтээгдэхүүний чанарын хувьд 1№-т байгаа гэж хэлж болно. Орчин үеийн шаардлагад нийцсэн дизайны дагуу Солонгос улсад үйлдвэрлэгдсэн шилэн фасад суурилуулсан ба дотоод орчин бүрэн шинэчлэгдэж кино театрын 1 болон 2-р танхим 180 суудал, 3-р танхим 267 суудал, 36 VIP ангиллын суудал, 4-р танхим 138 суудал, 20 VIP ангиллын суудалтай мөн хөгжлийн бэрхшээлтэй иргэдэд зориулсан кино үзэх тусгай талбай болон ариун цэврийн өрөө зэргийг багтааснаараа бас нэгэн давуу талтай болсон юм. VIP талбайн хэсэгт маш тохилог, ая тухтай байлгах бүх нөхцөлийг бүрдүүлж чадсан. Дуу дүрсний шаардлагыг Warner Bros. International Cinema компанийн дуу болон проекшний хэлтсийн захирал өөрийн биеэр ирж техникийн шаардлагыг тодорхойлон Солонгос улсын Kinoton брендийн 35 мм-ийн хальсны проектрийг, АНУ-ын JBL брендийн 7.1 долби дууны системийг ашиглан дэлхийд чанараар тэргүүлдэг Harkness брендийн дэлгэц болон давхар маскинг мотор бүхий Солонгос улсад үйлдвэрлэсэн дэлгэцийн хүрээг ашиглан кино гаргадаг юм байна. Sony pictures, Warner Bros, 20th Century Fox, Disney pictures зэрэг Hollywood-ийн кино компаниудтай гэрээ байгуулж дэлхийд гарч буй шилдэг кинонуудыг нэгэн зэрэг эх орондоо тав тухтай орчинд үзэх боломжийг олгож байгаа зэргээс үзэхэд бүтээгдэхүүний хувьд хангалттай сайн, дэлхийн зах зээлд ч өрсөлдөж болохуйц гэж дүгнэж байна.
Дан ганц кино театрын салбар гэлтгүй монгол улсын бизнесийн байгууллага дундаас хамгийн их идэвхжүүлэлтийг хийдэг байгууллага бол Өргөө кино театр гэдэгтэй олон хүн санал нэгдэх бизээ. Хэрэглэгчдийн эрэлт хэрэгцээ, хүсэл сонирхлыг харгалзан үзэж ажил хэргээ явуулдаг тэдний хувьд идэвхижүүлэлт хийх боломжтой бүхий л сүвгуудаар үйл ажиллагаагаа явуулж байна. Үйлчлүүлэгчдийн дийлэнх нь өсвөр насныхан болон залуучууд байдаг тул тэдний хамгийн ихээр ашигладаг social site-ууд болох Twitter, Facebook зэрэг сайтуудаар үйл ажиллагаагаа сурталчлан, Залуусын бренд болох “Be” брендтэй хамтран урамшуулалт аянг хэрэгжүүлдэг билээ. Хамгийн тод жишээ гэвэл ойрын өдрүүдэд үргэлжилж буй ‘Be’ брендийн хэрэглэгч нарт хямдралтай үнээр кино үзэх боломж олгож байгаа урамшуулал нь тэдний үйлчлүүлэгчдийн тоог нэмэгдүүлж, танхим бүр дүүрэн үзэгчтэйгээр кино гарч байгаагийн гол нөхцөл нь болоод байна.
21-р зуун бол интернетийн эрин үе гэдгийг үйл ажиллагаандаа тусгаж чадсан Монгол улсын байгууллагуудын сонгодог жишээ нь Өргөө кино театр юм. Интернэт болон утсаар билет захиалга авах үйлчилгээг нэвтрүүлсэн нь үйлчлүүлэгчдийн тоог нэмэх, өрсөлдөөнд давуу байдал олж авах, хэрэглэгчдийг идэвхижүүлэх гол “түлхүүр” болж чадсан юм. Энэ бүгдээс харахад Өргөө кино театрын идэвхжүүлэлтийн хольц маш шинэлэг, чанартай, онцлог байдалтайгаар хэрэгжиж байна хэмээн дүгнэхээр байна.
Өргөө кино театр нь ижил төрлийн үйл ажиллагаа явуулдаг байгууллагууд дундаас тасалбарын үнийн хувьд ойролцоо түвшинд байгаа гэж дүгнэж болно. Төрсөн өдөр нь тохиож байгаа үйлчлүүлэгчдэд үнэгүй кино үзэх эрх, мягмар, пүрэв гаригуудад 2500₮-р кино үзэх боломжтой зэргээс гол өрсөлдөгч болох Тэнгис кино театраас хоцролгүй эн зэрэгцэн, ойролцоо байдлаар үнээ тогтоон үйл ажиллагаагаа эрхэлж байна гэдэг нь харагдаж байна. Гол өрсөлдөгч Тэнгис кино театр нь Мягмараас Пүрэв гаригийн турш тасалбарын үнэ 3000₮ байгаа бол Өргөө кино театр нь илүү их багтаамжит танхимаа ашиглан олон үйлчлүүлэгчдийг татах арга зорилгоор 2 өдрийн турш 2500₮ буюу бага үнэ санал болгож байгаа байдалтай байна.
Дэлгэцийн бүтээлийн тэсрэлт болж буй энэхүү цаг хугацаанд Монгол орны олон уран бүтээлчдийн кино бүтээгдэн гарч байгаа боловч, төдийлөн удаан хугацаанд зах зээлд оршин тогтнохгүй, ойролцоогоор 21 хоногийн турш нэг кино театрт гараад дараагийн бэлэн болсон кинонд зайгаа тавьж өгч байгаа дүр төрх кино театруудын үйл ажиллагаанаас харагдаж байна. Энэ нь тухайн кино театрын хувиарлалтаас шалтгаалж байгаа гэж миний бие үзсэн болно. Хэрэвзээ илүү олон танхимтай буюу хувиарлалтын суваг өргөн байсан бол дэлгэцийн уран бүтээл илүү удаан зах зээлд оршин тогтнож, тэр хэмжээгээрээ Өргөө кино театрын ашиг орлого нэмэгдэх байсан болов уу.
Энэхүү хэсэгт Өргөө кино театрын өрсөлдөөний шинжилгээг авч үзье. Гол өрсөлдөгчдийн тоонд Тэнгис, Соёмбо кино театруудыг оруулж болох бөгөөд бусад жижиг кино театрууд нь төдийлөн аюул, эрсдэл авчирахааргүй, тогтмол бус үйл ажиллагаа явуулж байна. Илүү их идэвхижүүлэлтийг хийдэг, цэвэр таатай орчинг бүрдүүлж чадсан, шилдэг кинонуудыг албан ёсоор дэлхийн өндөр хөгжилтэй улсуудтай нэгэн зэрэг үзэгчдэд хүргэдэг зэрэг нь өрсөлдөөнд давуу байдлыг бий болгож байгаа боловч, байршлын хувьд Тэнгис кино театртай харьцуулахад тааруухан, зэх зээлд шинээр нэвтрээд удаагүй буюу Тэнгис кино театр дийлэнх хэрэглэгчдийн хувьд анхдагч гэдэг утгаараа хоногшсон зэрэг нь сул тал болох аюултай.
Энэ бүгдээс дүгнээд үзэхэд Өргөө кино театрын үйл ажиллагаа тэр дундаа маркетингийн үйл ажиллагаа нь маш сайн явагдаж байгаа бөгөөд, цаг хугацаа өнгөрөх тусам үйлчлүүлэгчдийн тоо нэмэгдэж байгаа байдал ажиглагдаж байна. Хувиарлалтын сувгаа илүү өргөжүүлж чадвал нийлүүлэгч байгууллагатай харилцан ашигтай гэрээ хийх нөхцөл бүрдэн, ашиг орлого нь тэр хэмжээгээрээ нэмэгдэх боломжтой байна. Үнэ, тариффийн тал дээр цаашид өөрчлөлгүйгээр өөрсдийн үнээр хэрэглэгчдэд хоногших боломж байгаа билээ.

Жич: Энэхүү эссэний хүрээнд ямар нэгэн байгууллагыг магтан сайшаах, шүүмжлэх гэсэн санаа агуулаагүй бөгөөд Маркетингийн үндэс хичээлийн агуулгын хүрээнд олж авсан мэдлэг дээрээ тулгуурлан бичсэн болно.

Macroeconomics by N.G.Mankiw part II

2010-04-11T14:15:00.001+08:00

"Дунд түвшний макро эдийн засаг" хичээлийн үндсэн сурах бичиг болох Gregory Mankiw-н "Macroeconomis 5th edition" номын бүлгүүдийн 2 дахь хэсэг болох 7-12р бүлгүүдийг хүргэж байна.
7-р бүлгийг татах бол Энд дар
8-р бүлгийн татах бол Энд дар
9-р бүлгийг татах бол Энд дар
10-р бүлгийг татах бол Энд дар
11-р бүлгийг татах бол Энд дар
12- р бүлгийг татах бол Энд дар

Өглөөний санамж

2010-04-10T21:00:00.002+08:00

Анх ЕБС-ийн 4-р ангиасаа эхлэн өглөө 8с хичээлд явж эхэлсэн санагдаж байна. Тэр үеэс л өглөө босоход хамгийн түрүүнд намайг угтдаг зүйл нь "шугамын радио"-гоор явдаг тэрхүү Өглөөний санамж байсан юм. Сүүлд "шугамын радио"-гүй болсон буюу 10-р анги хүртлээ өглөө болгон сонсож, их ч зүйлийг ухааран мэдэж аван, энийг л сонсоод гарахад ажил төрөл бүтээд байгаа юм шиг санагддаг байсан. Сүүлийн 4 гаруй жил сонсоогүй байж байгаад сая интернетээр хэсэж яваад уншсан чинь их сайхан санагдлаа. Одоо гэртээ радиотой бол өглөө болгон сонсож байгаарай гэж хүсье :P

Өглөө болгон эртлэн босч
Өндөр тэнгэрийг бүрэн харж бай
Огторгуй хурмаст уужмын хутгаа
Оюун ухаанд чинь хайрлах болно
Орой болгон нэгийг санаж
Одот ертөнцийг хүндэтгэн харж бай
Эрхэст гариг үзэсгэлэнт сүлдээрээ
Үүрд таныг хайрлах болно
Алтан нарыг мандах тоолон
Алаг зүрхнээсээ догдлон харж бай
Эндэгдэлгүй дэвжихийн учир тавилангаар
Эрдэнэт бөмбөлөг гийх болно.
Ухаант хүн та хаана ч явсан
Уулын оргилыг хүндэтгэн харж бай
Баян буурал хангайн хишгээр
Бат түвшин явах болно.
Учирсан бүхнийхээ нүүр царайг
Уяхан даруухан инээмсэглэн харж бай
Өнөр өтгөн урт удаан наслахын
Өлзий буян бүрдэх болно

Монгол хэрэглэгчийн зан төлөв. /Өчигдөр, өнөөдөр, маргааш/

2010-04-07T20:39:00.001+08:00

Бизнесийн байгууллагуудын гол зорилго нь бүтээгдэхүүнээ борлуулах, цаашилбал ашиг олох явдал юм. Бүтээгдэхүүнээ борлуулж, ашиг олохын тулд байгууллагын амин чухал анзаарч авч үзэх ёстой зүйл нь хэрэглэгч билээ. Иймдээ хэрэглэгчийн зан төлөв гэсэн хийсвэр, сэтгэхүйн, маш эмзэг зүйлийг бизнесийн байгууллага бүр анхаарч үзэх хэрэгтэй.
Хэрэглэгчийн зан төлөв гэдгийг хамгийн энгийнээр тодорхойлбол пүүсээс явуулж байгаа маркетингийн үйл ажиллагаанд хариу үйлдэл үзүүлж байгаа хэрэглэгчийн зан ааш бөгөөд энэ нь тухайн бүтээгдэхүүнийг худалдаж авах эсэхээр хэмжигддэг.

Хэрэглэгчийн зан төлөв нь нэгэн хэвийн, тогтсон ойлголт биш ба орон орны тэр ч байтугай хот бүрийн хэрэглэгчийн зан төлөв өөр өөр байдаг бөгөөд цаг хугацааны явцад энэ нь үргэлж хувьсан өөрчлөгдөж байдаг. Монгол орны хэрэглэгчийн зан төлвийн талаар ярихад төвлөрсөн төлөвлөгөөт эдийн засаг буюу социализмын үед хэрэглэгчийн зан төлвийг судлах нь төдийлөн ач холбогдолгүй байсан. Учир нь хэрэглэгчийн юу хүсэх нь хамаагүй, харин тэд үйлдвэрлэгчийн үйлдвэрлэсэн нэгэн хэвийн бүтээгдэхүүн дундаас л сонголтоо хийдэг байсан билээ. Харин 1990 онд ардчилалын салхитай хамт иргэн бүрийн чөлөөт сонголт ирсэн бөгөөд энэ нь хэрэглэгчийн хэрэгцээ шаардлагыг мэдэрч бүтээгдэхүүнээ үйлдвэрлэх дохиог үйлдвэрлэгч нарт өгсөн нь дамжиггүй юм.
Ардчилсан хувьсгал гарсан 1990 оноос хойш 20 жил өнгөрчээ. Хүнээр ярьвал нас бие нь гүйцсэн, ид хийж бүтээх дээрээ байгаа шижгэнэсэн залуучууд. Нийгмийн хувьд олон бартаа нухчааг даван өнөө үед хүрсэн ба хэрэглэгчийн худалдан авах зөн төлөв ч нийгмийн болон хүрээлэн байгаа орчноо дагаад ихээхэн өөрчлөгдсөн юм. Хэрэглэгчийн зан төлөв хэрхэн өөрчлөгдөж өнөө үетэйгээ золгосон, цаашид ирээдүйд ямар түвшинрүү шилжих талаар хэрэглэгчийн зан төлөвт нөлөөлах хүчин зүйлүүд дээр тулгуурлан дор сийрүүлэн бичье.
Өнгөрснөө эргээд нэг харъя. Шинэ тогтолцоотой хамт барууны орны соёл манай улсад нэвтрэн, төрөл бүрийн импортын бараа бүтээгдэхүүн манай улсад орж ирэн эхэн үедээ л дийлэнх хэрэглэгчдийн нүд нь орой дээрээ гарч байсан бизээ. Хэрэглэгчийн зан төлөвт нөлөөлөх хүчийн зүйлсийн нэг болох нийгэм соёлын нөлөө үүнд ихээр нөлөлөсөн нь гарцаагүй. Энэ үед хэрэглэгчдийн зан төлөв ямар байсан гэж та бодож байна. Мэдээж хаана шинэ бүтээгдэхүүн байна тийшээ очиж худалдан авалт хийн, ямар байгууллага зар сурталчилгаа явуулж байна тийшээ шуурсаар хэдэн жил өнгөрсөн билээ. Энэ үеийн хэрэглэгчдийн зан төлвийг тоочиход олныг дагаж туйлширдаг, цуу үгэнд амархан итгэдэг, туршлагагүй зэргийг нэрлэж болох юм. Монгол хэрэглэгчдийн зан төлвийн энэхүү үеийг “хүүхэд нас” буюу өчигдөр гэж нэрлэлээ. Энэхүү үед 1990-2000 оны эхэн үе хүртлийг авч үзсэн болно.
Нийгэм соёлын хүчин зүйлсийн гол бүрэлдэхүүн хэсгийн нэг болох гэр бүл нь бүх л цаг үед маш ихээр худалдан авалтанд нөлөөлдөг байна. “Хүүхэд нас”-ны үеийн гэр бүлийн гишүүд нь худалдан авалтанд нөлөөлж байгаа талаар судалгаанаас харахад бараа бүтээгдэхүүн худалдан авах талаарх санааг ээж гаргадаг бол шийдвэр гаргалтыг эхнэр нөхөр хоёр хамтран гаргаж, мэдээллээр бүх гэр бүлийн гишүүд хангадаг гэсэн дүн гарсан байна. Судалгааны нэг сонирхолтой үр дүн нь хүүхдүүдийн худалдан авалтанд хамгийн ихээр нөлөөлөгч хүн нь ээж байсан байна.
Он цаг улиран өнгрөхийн хирээр эр өсч, эсгийн сунадагийн адилаар монгол хэрэглэгчдийн маань ч зан төлөв өсөн дэвшиж, “туршлагатай” болж ирсэн билээ. Энэхүү үеийг “идэр үе” буюу өнөөдөр хэмээн нэрийдэж, 2000 оны эхэн үеэс өнөөг хүртэлх хугацааг авч үзлээ.
Хэрэглэгчдийн маань хувьд тухайн бараа бүтээгдэхүүний талаарх олон талт мэдээллийг харан худалдан авалтаа хийж, илүү туршлагатай болж иржээ. Энэ үеийн хэрэглэгчдийн зан төлвийн талаар дурьдвал: өнгөрсөн түүхээрээ бахархах, зар сурталчилгаанд төдийлөн өртөмтгийн бус, энгийн бөгөөд хэрэглэж дадсан цөөн тооны бүтээгэдэхүүнийг байнга авдаг, амьдралын хэв маягаа өөрчлөх дургүй зэрэг юм . “Хүүхэд нас”-ны үеийн зан төлвийн шинж чанар нь энэ үед мөн уламжлагдан дамжиж, гэр бүлийн гишүүдийн худалдан авалтанд нөлөөлөх нөлөөлөл нь төдийлөн өөрчлөгдөөгүй байна. Гэр бүлийн оролцооны талаарх судалгаанаас харахад томоохон үнэтэй зүйл худалдан авах шийдвэрийн 57,4%-г гэрийн эзэгтэй буюу ээж гаргадаг байна. Мөн өдөр тутмын, хүнсний бүтээгдэхүүний худалдан авалтын 70%-г ээж гардан гүйцэтгэдэг байна.
Өнөө үеийн сэтгэл зүйн хүчин зүйлс нь нийгэм соёлын хүчин зүйлсээс илүүтэй худалдан авалтанд нөлөөлж байгаа нь харагдаж байна. Найз нөхөд, хүрээлж байгаа хүмүүс юу гэж хэлэх бол хэмээн бодож тэднээс хараат байдлаар худалдан авалтаа хийх бус хувийн дүр төрх, итгэл үнэлэмж зэрэгтээ тулгуурлан худалдан авалтаа хийх нийтлэг хандлагатай болжээ. Мөн нөгөөтэйгүүр худалдан авах зорилго, амьдралын хэв шинждээ тааруулж, бусдын нөлөөнд орохгүйгээр, бодитой шийдвэр гаргаж байгаа нь сайшаалтай.
Энэхүү хөгжил дэвшлийн хажуугаар бараан зүйлс байгаагийн нэг нь “хэрэглэгч бол хаан” гэсэн үзэл төдийлөн тогтоогүй байгаа явдал юм. Хэрэглэгчдийн хувьд өөрсдийн эрхээ төдийлөн мэддэггүйгээс болж хохирох байдал цөөнгүй гарч байдаг. Тодорхой жишээ дурьдахад, Нэгэн хэрэглэгч Монголдоо томоохонд тооцогдох супермаркетаас хиам худалдан авсан боловч, тэр нь муудсан байхыг гэртээ хариад мэдсэн байна. Энэхүү нөхцөл байдалд ямар хариу үйлдэл хийхээ мэдэхгүйгээс болж өөрөө хохироод зогсохгүй, таны дараа худалдан авалт хийх олон хэрэглэгчдийн эрх ашгийг хамгаалах боломжоо та алдаж байна гэсэн үг. Энэхүү зан төлвөө эрс өөрчилж, өөрийн эрхээ бүрэн эдлэх боломж бидэнд ойрхон байгаа билээ.
“Хэрэглэгч бол хаан” буюу монголын хэрэглэгчдийн 3 дахь үе шатыг маргааш гэж нэрлэлээ. Энэ үед хэрэглэгчийг дээдлэх үзэл дээд цэгтээ хүрч, хэрэглэгчдийн бие дааж шийдвэр гаргах байдал нэмэгдэн, бизнесийн байгууллагуудын үнэн эсэх нь мэдэгдэхгүй зар сурталчилгаанд автахаа байж, өөрийн гэсэн бараа бүтээгдэхүүний тогтсон үнэлэмжтэй болно гэдэгт би итгэж байна. Бизнесийн байгууллагууд ч гэсэн хэрэглэгчийн эрх ашгийг дээдэлж, тэдний санал зөвлөгөөгүйгээр урагш алхахгүй гэдгээ ухааран “one to one” харилцаа Монгол улсад маань сонгодог утгаараа хөгжих боломтой.
20-р зууны дэвшилтэд технологиудын нэг интернетийн худалдаа хөгжиж, үүнийгээ даган төрөл бүрийн идэвхжүүлэлт, зар сурталчилгааны гол суваг нь интернет болох бизээ.
Хэрэглэгчдийн худалдан авалтанд нөлөөлөх хүчин зүйлсийн нөхцөл байдлын хүчин зүйл бусдаас илүүтэйгээр хэрэглэгчдэд нөлөөлөх болно. Учир нь эдийн засаг, улс төрийн орчин тогтворжин Монгол улс маань хөгжил дэвлийн замынхаа талаас илүүг нь туулсан байна гэсэн гэгээлэг өнцгөөс харж бичж байна. Мөн худалдан авалтаа зорилго дээрээ тулгуурлан, өөрийн хэрэгцээн дээрээ үндэслэж гаргадаг болсон байх болно гэдэгт итгэлтэй байна.
Маркетингийн шинжлэх ухааны тулгуур ойлголтуудын нэг хэрэглэгчийн зан төлөв нь улс орны онцлогоос шалтгаалан харьцангуй хурдацаар хөгжиж байдаг ба энэхүү хөгжлийн хурдац нь монгол оронд хөгжлийн шатандаа явж байна гэж ойлгож болно. Дэлхий дахины аугаа соёлтой танилцан, нүд тайлж байсан ардчиллын эхэн үеээ бодвол монгол хэрэглэгчдийн зан төлөв нь тогтворжин, үзэл бодол нь бэхжин, бие даан шийдвэр гаргах хандалагатай болсон байна. Гэхдээ яг ч дэлхийн өндөр орны хэрэглэгчдийн худалдан авах талаарх боловсролтой харьцуулахад бага байгаа бөгөөд энэхүү боловсролын түвшин монгол хэрэглэгчдийн дунд жил ирэх тусам нэмэгдэж байгаа билээ.
“Хүүхэд нас”-н үе буюу өчигдрийн хэрэглэгчдийн зан төлвийг өнөөдрийхтэй харьцуулахад асар их ялгаатай байгаа шиг, өнөөдрийн хэрэглэгчдийн зан төлвийг маргаашийнхтай харьцуулашгүй өөр байх нь гарцаагүй билээ. Даян дэлхийн даяаршлын хүрээнд орон бүрийн соёлын ялгаа жил ирэх тусам багасаж байгаатай адил миний маргаашийг төсөөлсөн зүйл ойрын 5 жилдээ ч хүрч ирэх бүрэн боломжтой билээ.

N.G.Mankiw by Macroeconomics Татах

2010-03-24T19:15:00.002+08:00

"Дунд түвшний макро эдийн засаг" хичээлийн үндсэн сурах бичиг болох Gregory Mankiw-н "Macroeconomis 5th edition" номын бүлгүүдийг тус тусд нь оруулж байна.
1-р бүлэг татах бол: Энд дар
2-р бүлэг татах бол: Энд дар
3-р бүлэг татах бол: Энд дар
4-р бүлэг татах бол: Энд дар
5-р бүлэг татах бол: Энд дар
6-р бүлэг татах бол: Энд дар
Жич: Тухай бүрд нь дараа дараачийн бүлгийг нийтлэх болно.

Төсөөлөл......

2010-03-20T20:44:00.001+08:00

Нүдэнд харагдаж байгаа юм бүхэн цав цагаан болсон аж. Хан тэнгэрийг дүүлэн нисэх хараацай, цэнгэг уст голын жараахайгаас авахуулаад миний сэтгэл дотор бодогдож байгаа юм бүхэн цав цагаан. Надад сайн муу ямар нэгэн байдлаар нөлөөлөх ямар нэгэн юм энд юу ч алга. Тэр ч байтугай өөрийн хамгийн ихээр айдаг цавчим өндөр хаднаас нуурын усруу үсэрлээ гээд үхэж байгаа мэдрэмж төрөх нь битгий хэл орчлон ертөнцөөс тасран, өмнө нь хэний ч мэдэрч байгаагүй тааламжтай, үгээр хэлэхийн аргагүй мэдрэмжийг амталж байгаа мэт сэтгэгдэл төрнө.
Байгаль эхийн бүтээсэн гайхамшигт орчин болон надаас өөр амьд амьтан энд үгүй аж. Хаашаа ч харсан цагаанаас өөр зүйл үл харагдах хэзээ ч дуусашгүй мэт уудам газарт эрх дураараа байж, өөрийн бүх хүссэн зүйлээ хийх нь нэн тааламжтай.
Энэнээс илүү зүйлийг би хүсч үл чадна. Яг л ийм, миний төсөөлөл дахь энэхүү газарт яг одоо, өөр хэзээ ч биш яг одоол, хэнтэй ч биш ганцаараа очмоор байна....

Хайр...

2010-03-08T17:00:00.001+08:00

Хүний хамгийн хүчтэй мэдрэмжийг хайр гэнээ гээд тодорхойлчвол яадаг бол??? Тиймээ миний хувьд хайр гэдэг агуа зүйлийг ганц өгүүлбэрээр, хамгийн товчоор тодорхойл гэвэл энэнээс сайн тодорхойлолтыг өгч чадахгүй л болов уу.
Хайр гэдэг зүйлийг биеээрээ амтлах, бусдад тараах ийм сайхан сэтгэлийн мэдрэмжийг бурхан хүмүүн бидэнд л гагцхүү харамгүй хайрласан билээ. Та амьтад хүртэл үр төлдөө хайртай болохоор л хөхүүлж өсгөж, түүнийхээ төлөө юугаас ч хийхээс буцдаггүй, тиймээс хүн гэлтгүй амьтад ч гэсэн хайр хэмээх агуа мэдрэмжийг мэдэрдэг гэж бодож байж болох юм. Амьтад өөрсдийн үр төлөөсөө өөр нялх зулзагыг хайрлан энхрийлж, цагаан сүүгээ хөхүүлэх болов уу, чонын сүрэг өнчин ишгийн хайрлан идэхгүй өршөөж чадах болов уу?
Хүн гэдэг байгал эхийн агуа бүтээл л ганцхан өөрийн үр хүүхдээс гадна хэдэн зуун балчир үрсийг хайрлаж, хайр хэмээх сэтгэлийн эрхэм чанарыг ямар нэгэн хэмжээ хязгааргүйгээр, хэзээ ч дуусахгүй арвин ихээр хүн болгонд өгч чаддаг.
Таны сэтгэлийн угаас гарч ирэх тэрхүү "мэдрэмжээ" та бусдад зориуллаа гээд та юуг ч алдахгүй, бүр ч илүү ихийг та буцаагаад авах болно.
Ганц л амьдрах энэ хорвоод таны сэтгэлийн гүнд байгаа тэр "хайр"-аа хэзээ ч харамлалгүй, ганцхан өөрийн хайртай дотны хүмүүстээ өгнө гэлгүй, хүн болгонд хайрыг бэлэглэж яваарай гэж хэлье, хүсье, захия.
Эцэст нь хэлэхэд хайраар хүн илүүддэггүй, харин дутаж явдаг юм шүү.

Баталгаажуулалт

2010-02-26T17:54:00.000+08:00

Та бүхэнд сонирхолтой богино хэмжээний киног хүргэж байна. Хувь хүн бүрийн сайн сайхныг олж харах тухай өгүүлсэн энэхүү кино нь 34 удаа кино урлагийн наадмуудад өрсөлдөж, 17 удаа шагнал авч байжээ.

Энэ бол заавал үзэх бүтээлүүдийн нэг юм шүү.

Та үүнийг мэдэхүү??? №2

2010-02-07T23:49:00.002+08:00

Хөгжмийн ертөнц.

-"Алтан диск" хэмээх өргөмжлөлийг хүртэхийн тулд Их Британид таны цомог 100,000 хувь, АНУ-д 500,000 хувь борлогдсон байх шаардлагатай.
-Телефон утас зохиогдсон жил буюу 1876 онд анх хөгжмийн ая телефон утсаар дамжсан.
-1980 онд анхны СД-г Филиппс, Сони компаниуд бүтээж байжээ.
-Жилд дунджаар 40 тэрбум дуу хууль бусаар интернэтээс татагддаг нь нийт дуу таталтын 90%-тай нь тэнцдэг ажээ.
-Хөгжмийн компаниуд 4 тэрбум долларыг онлайн салбараас олдог боловч, хууль бус таталтаас болж 40 тэрбум доллараа алддаг.

-Интернэтэд хууль бусаар дуу татах боломжгүй байсан үед шилдэг цомгууд 20 сая хувь борлогддог байсан бол, 2009 онд энэ тоо 5 сая болж буурчээ.
-Хамтлаг дуучдын СД болон хоосон буюу бланк СД-ны борлуулалт яг адил байдаг.
-Нийт СД-ны 1/3нь хуурамчаар бичэгдсэн СД байдаг байна.
-1954 онд Elvis presley-н Minneapolis дахь тоглолтыг хаах үеэрээ Al Dvorin "Ноёд хатагтай нараа Элвис энэхүү ордноос явсан. Баярлалаа. Сайхан амраарай" гэж хэлж байжээ.
-Elvis presley-н хобби нь тэмдэг цуглуулах байжээ. Тэрээр тоглолт хийсэн бүх хотынхоо цагдаагийн тэмдэгтэй.
-Elvis presley-н бас нэгэн хобби нь буу цуглуулах бөгөөд, 40 гаруй төрлийн буу байдаг байсан гэнэ.
-Алдарт "Duran Duran" хамтлаг өөрсдийн нэрээ Barbarella хэмээх киноны галзуу эрдэмтний нэрнээс анх бодож олжээ.
-1983 оны 8 сард Ангийн иргэн Peter Stewart шөнийн клубт 408 цагийн турш бүжиглэснээр рекорд тогтоосон байна.
-АНУ-д хамгийн их цомог нь борлогдсон хатлагаар The Beatles 106 саяаар ордог бол түүний араас Garth Brooks 92 саяар, Led Zeppelin 83 саяар, Elvis Presley 77 саяар, Eagles 65 сая хувь борлогдсноор удаалдаг байна. Дэлхий даяар алдарт The Beatles-н цомог 1 тэрбумаас илүү хувь борлогджээ.
-1959 оны 5 сарын 4-нд анхны Греммийн наадам болж байв.
-Анхны поп видео нь 1975 онд гарсан Queen хамтлагийн Bohemian Rhapsody байжээ.
-Paul McCartney-н зохиосон Тhe Beatles хамтлагийн “Martha My Dear” дуу нь түүний нохой Martha-н тухай байжээ.
-Аман хуур бол дэлхий дээр хамгийн их зарагдсан хөгжмийн зэмсэг.
-1937 онд анхны DJ ажилж байжээ.
-АНУ дэлхийн хөгжмийн зах зээлийн 31,3%-г эзэлдэг.
-ZZTOP хамтлагийн ганц сахалгүй гишүүний овог нь Beard /Сахал/ юм.
-Franz Schubert-н Die Forelle хэмээх бүтээлийн 6 хувилбар нь байдаг. Учир нь найзууд нь түүнээс хуулбараа өгөхийг хүсэхэ;, тэрээр санаж байгаагаа цаасан дээр дахин бичдэг байжээ.
-1997 онд Paul McCartney өөрийн өмнөх дээд амжилт болох 80 алтан дискний амжилтаа 81 болгож шинэчилжээ.
-ДВД нь СД-тэй адил 120мм-н диаметр, 1,2 мм-н зузаантай боловч СД-нээс 13 дахин илүү мэдээлэл хадгалж чадна.

Та үүнийг мэдэх үү???

2010-02-04T20:40:00.009+08:00

Спортын ертөнц

-Дэлхий дээрх хамгийн олон тоглогчтой спорт бол загасчилал.
-1901 онд бокс албан ёсоор спортын төрөл болсон.
-Дэлхий дээр 100 сая гаран хүн ан хийх эрхтэй байдаг.
-Jean Genevieve Garnerin бол хамгийн анхны эмэгтэй шүхэрчин юм. Тэрээр 1799 онд агаарын бөмбөлгөнөөс үсэрч байжээ.
-Японы иргэн Junko Tabei нь Эверэстэд гарсан анхны эмэгтэй уулчин болж 1975 онд бүртгэгджээ.
-Олимпийн наадмаас хамгийн их медал авсан тамирчин бол ЗХУ-н гимнастикч Larissa Latynina юм. Тэрээр 1956-1964 оны хооронд 3 олимпийн наадмаас нийт 18 медал авчээ.

-Үндэсний бейсболын лигт хамгийн их бөмбөг гаргасан тамирчины алдарыг 7356 гаргалтаар Cy Young эзэмшдэг аж.
-Хамгийн анхны радиогоор дамжуулсан тэмцээн бол 1898 онд Их Британид болсон далбаат завины уралдаан байжээ.
-Хамгийн их үзэгчтэй спортын төрөл бол Олимпийн наадам, хөлбөмбөгийн ДАШТ, Формула1-н уралдаан нар юм байна.
-Гимнастикийн спорт нь МЭӨ 900 онд Грект үүсчээ.
-Хамгийн анхны орчин үеийн олимпын наадам 1896 онд Грекийн Афин хотод болж байжээ. 311 эрэгтэй тамирчин оролцсон боловч нэг ч эмэгтэй тамирчин оролцоогүй.
-Michael Schumacher нь хамгийн өндөр орлоготой тамирчин байжээ. / Зар сурталчилгаа зэргээс олох орлогыг тооцолгүйгээр/
-Үндэсний бейсболын лигийн нэг баг улиралд дунджаар 850000 бөмбөг хэрэглэдэг.
-Талбайн теннисний Уимбледоны тэмцээнд 650 тоглолтонд 42000 теннисний бөмбөг хэрэглэжээ.
-Хөлбөмбөгийн бөмбөг 32 ширхэг нимгэн савхийг 642 оёдлоор оёсноор бүтдэг.
-Сагсанбөмбөгийн бөмбөгийг нийлэг материалаар хийдэг ажээ.
-Гольф нь саран дээр тоглогдсон цорын ганц спорт гэж бүртгэгдсэн байна. 1971 оны 2 сарын 6-нд Alan Shepard сарны гадаргуу дээр гольфийн бөмбөг цохиж байжээ.
-1895 онд АНУ-н иргэн William George Morgan воллейболын спортыг анх санаачилжээ.

Дараагийн дугаарт: "Хөгжмийн ертөнц"-н Талаар та үүнийг мэдэх үү???

Найз....

2010-01-26T14:31:00.013+08:00

Зуун төгрөгтэй явснаас Зуун найзтай яв зэрэг зүйр үг, Алтан түлхүүрийг хэрвээ олвол хамгийн түрүүнд найздаа өгнө гэдэг Амны хишигтэй сайхан үгэнд чинь бид итгэдэг гээд л найз нөхдийг магтсан дуу шүлэг захаасаа авахуулаад л зөндөө байна. Бодоод байхаар найз гэж яг юу юм бэ???

Хамгийн эхлээд шинжлэх ухаанч талаас буюу Я.Цэвэлийн Монгол хэлний товч тайлбар толиос харвал "дотно хүн; үзэл санаа, үйл ажил, аж амьдрал зэргээр ойрхны хүн" гэж тайлбарласан байх юм. Тиймээ найз гэдэг нь таны хамгийн ойр хүн /хүмүүс/ юм.
"Зуун төгрөгтэй явснаас Зуун найзтай яв" гэсэн зүйр үгийг аваад үзье. Би л лав хувьдаа энэ зүйр үгтэй төдийлөн санаа нийлдэгүй. Хий хоосон худлаа найзын нэр зүүсэн "зуун" найзаар хүн яах юм бэ?, тооны араас хөөцөлдөөл юунд хүрэх юм бэ.
Өнөөх сайхан өөрсдийгөө "алт" шиг найзууд гэдэг зуун найзуудаас чинь таныг зовж зүдрээд, ядарч байхад тэвнээр тусалчих хүн хэд олдох бол???? Өөрт учирсан зовлон, шаналалаа хүмүүс ойр дотныхоо хүмүүст л яридаг. Ойр дотны хүмүүүс гэдэгт шинжлэх ухаанч талаас ч бодсон, хар ухаанаар ч үзсэн найз гэсэн бүлэг хүмүүс заавал орно. Та тэрхүү сэтгэлээ бөгшүүлээд байгаа, хэн нэгэнд яримаар санагдаад байж суух газраа олохгүй байгаа зүйлээ найзууддаа л ярина. Гэхдээ хэн ч тэр олон "зуун" найздаа энэ бүхнээ ярихгүй нь лавтай.
Эндээс нэг дүгнэлтэнд хүрэхэд найз гэдэг үгний утга, агууллагт нийцэхгүй тийм олон хоосон найзуудаар хүмүүн бид нар яах билээ. Өнөөх хүмүүсийн хэлдэг шиг "алт шиг сайхан найз", "шороо идэж өссөн" чанартай хэдэн найзтай байхад л та харин ч амьдралдаа өөдрөг сэтгэлээр хандан, сэтгэл хангалуун байх боломжтой болов уу.
Мөнгө бол юу ч биш гэдэг хүмүүс маш их, тэрний оронд хайр сэтгэл, бие биенээ гэх сэтгэл байхад бүх юм болно гэсэн үзэлтэй хүмүүс байдаг. Гэхдээ би гашуун ч гэсэн үнэн зүйлийг хэлж чадна. Мөнгөгүй бол энэ хатуу ширүүн амьдралд та хэн ч биш болно. Хоосон хайр сэтгэлээр юу хийх юм бэ. Ийм нийгэмд л бид амьдарч байгаа учраас мөнгө бол зайлшгүй хэрэгцээт зүйл болоод байна.
Сүүлд нь хэлэхэд Зуун төгрөгтөй явахгүй ч гэсэн 10 сайхан чанартай найзтай яваад, 90 төгрөгөө өөртөй хадгалаарай гэж хэлье даа.
Жоохон ууртай байх үедээ үүнийг бичлээ... Зүгээр л бодсон бүх зүйлээ бичлээ... Дараа уншихад инээд хүрч магадгүй л юм. Гэхдээ энэ цаг үед яг тохирсон зүйл бичиж, одоо л нэг юм сэтгэл санаа минь амарч байна.
Харин таны бодлоор найз гэж?????????

Hi5, Myspace, Facebook!!!!

2010-01-18T17:57:00.001+08:00

За ингээд Hi5, Myspace, Facebook зэрэг олон нийтийн сайтад монгол залуусын маань профайл ихээр бий болох болсон. Үүнийг дагаад саар зүйл мөн л нэмэгдэж байна. Нэгэн тод жишээ гэвэл Hi5-р нэг охины зургыг хуулбарлан авч хуурамч профайл нээн олон хүмүүстэй танилцсан хэрэг гарсан байна. Энэхүү гэмт хэргийн сэдэлтэй зүйлийг үүлдсэн охины тухай нэвтрүүлэг МҮОНТ-р гарсан бөгөөд дээрх олон нийтийн сайтад бүртгэлтэй хүмүүс /ялангуяа охидууд/ -т анхааруулга болгох үүднээс бичлэгийг нь хүргэж байна. Энэ ч арай хэтэрсэн охин байна даа....

3 нар мандлаа, газар хөдөллөө, харин дараа нь....

2010-01-09T16:18:00.002+08:00

Өнөөдөр буюу 2010 оны 1 сарын 9-ний өдрийн 15:15 цагт Монгол улсын нийслэл Улаанбаатарт газар хөдөллөө. Сансар, 40 50н мянгат, Төмөр зам, 1-р хороолол гээд л УБ хотийн бүх л газар т газар хөдөлсөн мэдээ интернэтээр нэг тарав.
Өчигдөр буюу 1 сарын 8-нд Дархан хотод байгалийн сонин үзэгдэл болох 3 нар мандсан тохиолдол буюу нар чихлэх хэмээх үзэгдэл гарсан. Хөдөөний зарим нэг "юм мэддэг" иргэд ийм юм болж л байдаг юм. Зүгээр гэх зэргийн зүйл ярьж л байна гэсэн.

Би гэж нэг хүн дотроо сүүлийн үед нэг юм боддог болчоод байна. / Сүүлийн үе гэж яг одооноос бүр их/. Энэнд бас саяхан 2012 хэмээх кино үзсэн маань ч нөлөөлөөд байгаа байх. Гэтэл сүүлийн хэд хоногт ар араасаа цувран ирж буй байгалийн сонин үзэгдэл, сүүлийн 30 жилд байгаагүй их хүйтрэлт гээд л байгаль дэлхий маань сүйрэх шатандаа орж байгаа юм биш биз гэсэн айдас өөрийн эрхгүй төрөөд байна.
Энэтхэгт асар их хүйтрэлт болж хүнийн амь эрсдэж байна, өчигдөр л гэхэд Их Британид -25С-т хүрч хүйтрэн 6 хүн нас барлаа гэх мэтчилэн дэлхийн өнцөг булан бүрт байгаль дэлхий маань аюулын дохио өгөөд байх шиг.
Зэ тэгээд юу болохыг харж л байя... Ядаж байхад энэ утаагээ.... УБ-т амьдрахад үнэхээр хэцүү байна шүү.
Зүлгэн дээр гэрээ бариад Зүгээр нэг сайхан амьдрах юм сан даа гэж..................

Дарханд болсон "нар чихлэх" үзэгдлийн видео бичлэг

2009 оны Тайм сэтгүүлээс гаргасан шилдэг 10 зураг

2010-01-08T00:32:00.010+08:00

АНУ-н алдарт Тайм сэтгүүлээс өнгөрсөн 2009 оны шилдэг 10 зургийг гаргасан байна. Улс төр, нийгэм соёл гээд бүх л төрлийг хамарсан сонирхолтой 10 зургийг үзэн сонирхоно уу.Дараа дараагийн нийтлэлээрээ 2009 оны салбар болгоны шилдэг 10 зургуудыг үргэлжлүүлэн хүргэх болно.
Түүхэн үе

АНУ-н 44 дэх ерөнхийлөгч Барак Обама 2009 оны 1сарын 20-нд өөрийн албан өрөөгөө хүлээн авах үйл ажиллагаа эхлэхийг хүлээж байгаа байдал.

Сонор сэрэмж

АНУ-н байлдагч Афгинистан дах Танги хөндийн замыг шалгаж байгаа байдал.

Салах ёс

Кэннедигийн удмын сүүлийн залгамжлагч болох сенетар Эдвард Кэннеди-г сүүлчийн замд үдэх ёслол. 8 сарын 29

Нулимс

6 сарын 30нд Попын хаан Майкл Жексоны үхлийн дараах түүний хөршийн нулимс.

Ид шид

1 сарын 15-нд болсон АНУ-н Эйрбус 320 тийрэлтэт онгоц сүрэг шувууны дайралтанд өртөж 2 хөдөлгүүр нь эвдрэн, Хадсоны хөлдүү буланд унасан үед зорчигчид нь далавчин дээр нь зогсон амь гарч ирсэн байдал.

Аюултай этгээд

Гивенэй Биссау улсын Биссау хотын хар тамхи наймаалагчид. Сүүлийн жилүүдэд энэхүү баруун африкын буурай орон нь хар тамхины наймааны гол төв болоод байна.

Газын зурвас

1 сарын 16-нд болсон Израйлийн арми Палестинруу довтолсны дараа Палестины нэгэн гэр бүл нуранги болсон гэрийнхээ буурин дээр амарч байгаа байдал.

Ган

Кени улсын Важирт ган гачигийн улмаас халуун орны амьтан болох анааш үхэж буй байдал. Энэхүү бүс мужид сүүлийн хэдэн жил бороо ороогүй юм.

Аялал

ОХУ-н ерөнхий сайд Владимир Путин өөрийн зуны амралтаараа Тува улсад морь унан амарч буй байдал. 8 сарын 3.

Ираны дэлбэрэлт

Ираны ерөнхийлөгчийн сонгуульд ялагдсан Mir-Hossein Mousavi-н дэмжигчид Тегранд эсэргүйцлийн жагсаал өрнүүлж буй байдал. 6 сарын 16.

Сансар огторгуйн 2009 оны шилдэг 10 зураг

2010-01-04T16:45:00.004+08:00

Дэлхийн алдартай Nationalgeographic сувгаас өнгөрсөн оны сансрын уудмын шилдэг 10 зургийг жагсаажээ. Таалан сонирхож, сэтгэлийн цэнгэл эдэлнэ үү хэхэ.Үнэхээр гайхалтай зурагнууд байна.

Сансрын гэрэл зурагчин Thierry Legault-н 5-р сард авсан Нарны өмнүүр явж буй Atlantis хөлгийн зураг.

6-р сард болсон гэрлийн асар хүчтэй долгион.

10-р сард Европын сансрын төвийн хиймэл дагуулаас авсан Алжир улсын нутаг дэвсгэр дэх Сахарын цөлийн нэгээхэн хэсэг

12 сард АНУ-н California мужийн Mojave цөлд унасан солирон бороо

5-р сард авсан "Сансрын эрвээхэй" нэрт зураг.

Санчир гаригийн цагиргын наана явж буй манай сар

R136 хэмээх "залуу" одны аймгийн зураг

Марс гаригын хавцал, гүн хотгороор хүрээлэгдсэн нэгэн хэсэг

Манай дэлхийгээс сансрын гэрэл зурагчин Bill Ingalls-н авсан 61 сая километрийн цаана харваж буй ёүүлт од

Florida мужийн Kennedy-н сансрын төвөөс хөөрч буй Ares I-X пуужин
.

Welcome to my heart

2009-12-20T19:51:00.001+08:00

Өвлийн төгөлд цор ганц мод ногоон хэвээр
Өнгөрсөн шөнө орсон цас түүнд дурлан хайлжээ
Өөрийгөө зориулж мөчирт нь буугаад хайлах нь
Энэ цас яг над шиг дурлажээ

Цагаан сарнай өвлийн ойг бүрхэн ургажээ
Цасан ширхэг дээрээс биш хөл доороос бударна
Хайрт минь чи миний сэтгэлийн жаргал юм шүү
Welcome to my heart

Эргэн тойрон дун цагаан
Ээлэн нисэх шувууд цагаан
Чамдаа өгсөн сэтгэл минь мөнхийн цагаан
Миний хайрын орон зайд өөр хэн ч биш чи минь үүрд оршино
Дандаа хайрлагдана, Welcome to my heart

Газар дэлхий цав цагаа болсон байтлаа
Ганцхан модон цасгүй учир юунд билээ
Орчлон дээр үй түмэн хүмүүс байдаг хирнээ
Чамдаа би яагаад хайрлаа вэ

Эргэн тойрон дун цагаан
Ээлэн нисэх шувууд цагаан
Чамдаа өгсөн сэтгэл минь мөнхийн цагаан
Миний хайрын орон зайд өөр хэн ч биш чи минь үүрд оршино
Дандаа хайрлагдана, Welcome to my heart

Аваргуудын Лигийн хэсгийн тоглолтын тоо баримтууд

2009-12-18T21:58:00.001+08:00

Аваргуудын лигийн хэсгийн тоглолтууд энэ сарын 8-нд өндөрлөж шөвгийн 16-д өрсөлдөх багууд тодорсон. Ингээд хэсгийн тоглолтуудтай холбоотой хамгийн хамгийн-ийг хүргэе.

Хамгийн их оноо авсан баг: Францын Бордо. Тэд 5 хожиж, 1тэнцэж, ганч хожигдоогүй.16 оноотой.

Хамгийн бага оноо авсан баг: Maccabi Haifa FC /Израйл/ and Debreceni VSC /Унгар/. Тэд ганц ч оноо аваагүй буюу 6 тоглохдоо 6 хожигдсон. Энэ нь Аваргуудын лигийн түүхэнд оноо авч чадалгүй мултарсан 9 болон 10 дахь баг болон бүртгэгдэж байгаан байна.

Хамгийн их гоол алдсан баг: Мөн л Унгарын Debrecen. Тэд хаалгандаа 19 гоол алдаж анти амжилттай зэрэгцсэн.

Хамгийн бага гоол алдсан баг: Францын Бордо. Тэд 6 тоглолтонд ердөө 2 гоол алджээ.

Мэргэн бууч: Риал Мадрид багын хагас хамгаалагч К.Роналдо 6 гоолтойгоор тасархай тэргүүлж байна.

Оновчтой дамжуулалтаар Luis Fabiano (Sevilla FC), Tomбš Necid (PFC CSKA Moskva), Juan Vargas (Fiorentina), Wendel (Bordeaux) нар адилхан 4 дамжуулалттай.

Хамгийн их буюу 14 удаа Милан багийн довтлогч Ф.Инзагги отон тоглолтонд оржээ.

29 удаа Ювентус багийн хагас хамгаалагч Диего бусад тоглогч дээр алдаа гаргажээ.

31 удаа Атлетико Мадрид багийн довтлогч Д.Форлан хаалгаруу цохисон нь тэргүүлэх үзүүлэлт. Дээрх 31 цохилтын 16 нь хаалгаа оносон.

Барселона баг тоглолтын турш бөмбөгийг 69%-тай бөмбөг эзэмшдэг нь бусад ямар ч багаас илүү дүн юм. 2-рт Ливерпүүл клуб 59%-тайгаар оржээ.

Fiorentina and Bordeaux клубууд хамгийн их дараалж хожсон багууд. Тэд 1-р тойрогт оноо алдсанаас хойш 5 дараалж хожжээ.

Манлайлагч

2009-12-16T20:57:00.001+08:00

Бусдад нөлөөлөх чадварыг манлайлал гэдэг. Тухайн хүн манлайлагч байна гэдэг нь түүний үйл хөдлөл, үг яриа зэрэг нь өөр ямар нэгэн хүнд тодорхой хэмжээгээр нөлөөлөн, "даган дууриах" байдлыг бий болгодг гэж ойлгож болно гэсэн үг. Хүн болгон хүн байхын утга учраа буюу өмнөө тавьсан ирээдүйн хүсэл хэтийн зорилгоо биелүүлж, түүнээсээ аз жаргал авахын тулд амьдардаг. Энэхүү үйл явцад нь тухайн хүний оюун бодолдоо тээж явдаг манлайлагч хүн нь ямар нэгэн байдлаар нөлөө үзүүлэх нь дамжиггүй юм. Ингээд миний хувьд хамгийн сайн манлайлагч гэж үздэг хүнээ, тэрхүү хүнийхээ юуг даган дууриадгыг дор сийрүүлэн бичье.

Миний мэдэх хамгийн сайн манлайлагч маань "манай ах" юм. Би түүний бага насны үйл явдлыг төдийлөн мэддэггүй байсан бөгөөд өнөөдөр ямар хүн бэ гэдгийг л мэддэг байсан билээ. Харин нэгэн өдөр бас нэг ахаасаа түүний бага насны талаар сонсоод түүнийг өөрийн сэтгэл, оюун бодолдоо эргэлт буцалтгүйгээр манлайлагчийн дүрээр "суулгаж" өгсөн юм.
"Манай ах"-н бага насны амьдрал аав ээж, ахан дүүсийн хайранд, хэний ч дор оролгүй элбэг хангалуун өссөн. Гэвч хамгийн эмзэглэлтэй зүйл нь тэрээр хувь хүний ёс суртахууны хувьд тааруу нэгэн байлаа. Хичээлээ тасална, зодоон цохион хийнэ, аав ээжийгээ зовооно гээд л бүх л болж бүтэхгүй зүйлийг хийдэг байж.
Би манлайлагчийнхаа энэхүү бага насны явдлыг даган дууриайж, үлгэр жишээ авч, амьдралдаа хэрэгжүүлэхээр сонгож аваагүй юм. Харин энэ бүх муу зуршлаа хаяж, өдийд ямар хүн болсон бэ гэдгийг ухаарч сонгосон билээ.
Хүн идэвхитэй шургуу ажиллаж хөдөлмөрлөж, зөв арга замаар тууштай тэмцэж, бие сэтгэлээ зориулж чадвал өмнөө тавьсан ямар ч хүнд хэцүү зорилгодоо хүрч болдгийг би энэ ахаасаа л мэдэж авсан. Нэг зорилгодоо хүрлээ гээд тайвширч болохгүй, дахин шинэ зорилгоруу тэмүүлэх, өмнөө тохиолдсон саад бэрхшээлийг ажрихгүй цааш явах хатуу зарчмыг энэ ахаасаа л би олж авсан. Мөнгө бүхнийг дийлдэггүй, хамгийг гол нь бусдыг хайрлаж хүндлэх, сэтгэл юм гэдгийг мөн л энэ ахаасаа ойлгож авсан.
Надад дээрх бүх маш олон зүйлийг "зааж" өгсөн ах маань яаж энэ том амжилтанд хүрснийг одоо дуулгая. Би буруу замаар явж байна, цаашид ингэж болохгүй гэдгийг тэрээр ухааран, аав ээжийнхээ зөвлөснөөр арлын Япон орныг зорьсон юм. Тэнд очоод бүх зүйл нь эх орон шиг нь жаргалтай байгаагүй нь лавтай. Ядарч зүдэрнэ, өлсөж цангана, зодуулна гээд л тэр энэ бүхэнд шантраагүй юм. Шантраагүйгээр зогсохгүй өөрийн зорилгодоо баттай байсны ачаар оргилд нь гарч чадсан юм. Оргилд нь хүрээд түүнд бүх зүйл мөн л амар болоогүй. Саад бэрхшээл олонтаа гарч ирсэн. Тэрээр энэ бүхнийг тэсэн, оргилийн оргилд хүрч, одоо ч байсаар байна.
Миний манлайлагч буюу "миний ах"-г Долгорсүрэнгийн Дагвадорж гэдэг. Япон улсын мэргэжлийн сумогийн Якозуна буюу Их аварга Асашорюү билээ. Би түүнийг өөрийн сэтгэлд ах буюу манлайлагчийн дүрээр суулгаж өгсөн боловч "манай ах" намайг танихгүй. Дагвадоржийг энэхүү амжилттай, эр зоригтой, мохошгүй дайчин, туйлбартай зангаар нь үргэлж сэтгэл зүрхэндээ "ахын" дүрээр, манлайлагчийн дүрээр тээж явах болно.

P.S: Менежментийн үндэс хичээлийн Манлайлал сэдвийн хүрээнд бичсэн эссэ болно.
2009 оны 12 сарын 9.
Монгол улс. Улаанбаатар хот. СЭЗДС 304 тоот :)
<!– more –>

Эхлэл...

2009-11-28T22:36:00.001+08:00

Өнөөдрөөс блог дээрээ спорт гэсэн шинэ шошго нээхэр шийдлээ. Өөрийн сонирхдог зүйлээ дараа хэзээ нэгэн цагт мартсан тохиолдолд эргэн санахын тулд нээж байгаа юм. NBA-n Denver Nuggets багийн тоглогч, миний шүтээн болсон Carmelo Anthony маань энэ өдөр NewYork Knicks багийн эсрэг 50 оноо авч өөрийн хувийн дээд амжилтаа шинэчлэн тогтоолоо.
Нэмж хэлэхэд улирал эхэлснээс хойш 20-с дээш оноог бүх тоглолтонд авч буй цорын ганц тоглогч юм.
Энэхүү тоглолтын бичлэгийг болон гэрэл зургуудыг сонирхож үзнэ үү.

Монголын бизнесийн байгууллагын нийгмийн хариуцлага

2009-11-26T18:25:00.001+08:00

Хүнд хэрэгтэй ямар нэг зүйл хийхийг бизнес гэдэг. Тэгэхээр бизнесийн байгууллагын гол зорилго нь хүнд хэрэгтэй ямар нэг зүйлийг хийж, түүгээрээ хэрэглэгчдийг хангах явдал юм. Энэхүү зорилгоо биелүүэхэд маш олон төрлийн хүчин зүйл нөлөөлдөг бөгөөд бусдаас хамгийн онцгой, өвөрмөц нөлөөлөл нь нийгмийн хариуцлагаа хэрэгжүүлж буй үйл явц нь билээ. Учир нь гэвэл тухайн байгууллагыг нийгмийн хариуцлагаа хэрэгжүүлээгүй байна гээд эрүүгийн буюу эрх зүйн хариуцлага хүлээлгэдэггүй бөгөөд гагцхүү ёс суртахууны ухамсар, ёс суртахууны зарчмуудаар хэмжигдэж байдаг зүйл юм.

Байгууллагын нийгмийн хариуцлагын талаар судлаачид хоёр үндсэн чиглэлийг баримталдаг. 1-рт Байгууллага ашиг хэдий чинээ их олно төдий чинээ нийгмийнхээ өмнө хариуцлага хүлээх ёстой гэсэн зарчим бол 2-рх нь байгууллага нь эдийн засгийн шинжтэй хариуцлага хүлээхээс гадна өөрийн ажилтнуудаас авхуулаад хэрэглэгчид, тухайн улс орон, нийгмийн өмнө хариуцлага хүлэх ёстой гэсэн чиглэл юм.
Одоо дээрх хоёр чиглэлийн дагуу монголын бизнесийн байгууллагууд маань хэрхэн нийгмийн хариуцлагаа хэрэгжүүлж байгааг сийрүүлэн бичье.
Хэн их хөрөнгөтэй, хэн зэх зээлд томоохон байр суурийг эзэлж байгаа нь нийгмийн хариуцлагыг илүү хэрэгжүүлэх ёстой гэсэн зарчмыг монголын бизнесийн байгууллагууд маань сайн хэрэгжүүлж байгаа билээ. Тус тусын салбартаа томоохонд тооцогдох Мобиком, АПУ, Голомт банк, МСS гэх мэтчилэн нийгмийн хариуцлагаа эдийн засгийн хувьд сайн гүйцэтгэж байгаа байгууллагууд маш олон байна. Энэхүү явуулж буй үйл ажиллагааныхаа хирээр ашиг орлого нь нэмэгдэх нь дамжиггүй юм. Тиймээс дээрх байгууллагууд маань урлаг спорт, ниймийн халамж, сурлаг хөдөлмөр гээд л маш олон төрлийн үйл ажиллагаануудад тусламжийн гараа сунгаж байгаа билээ.
Байгууллагын үйл ажиллагааны эцсийн зорилго нь ашиг олохоос гадна өөрийн ард түмэн, улс орныхоо өмнө хариуцлага хүлээх явдал байдаг. Гэтэл өнөө үеийн монгол улсын бизнесийн байгууллагууд маань ашиг олохыг энэ тэргүүндээ тавьж, ард түмэн, улс орныхоо өмнө хүлээх хариуцлагаа умартаад байх шиг. Уул уурхайн компаниуд улсын төсвийн дийлэнхийг бүртүүлдэг сайн талтай боловч нөгөө талаар байгаль эхийг маань юу ч үгүй сүйтгэж байгаа нь нэн харамсалтай.
Хэрэвзээ алтыг нь аваад, авдрыг нь хаяхын үлгэрээр биш байгалиа нөхөн сэргээгээд ажилласан бол улс, ард түмнийхээ өмнө хүлээх нийгмийн хариуцлагаа хэрэгжүүлээд зогсохгүй, хичнээн олон гол мөрөн, булаг шандыг ширгээлгүй авч үлдэх боломжтой байсан нь мэдээжийн хэрэг юм. Энэ бүгдийг зөрчөөд ажиллаж байгаа нь байгууллагын удирдах албан тушаалтнуудын ёс суртахуунгүй байдлын томоохон жишээ билээ.
Мөн нөгөөтэйгүүр “хэрэглэгч та хаан” гэсэн сүржин нэртэй, бараг хэрэгжихээ больсон уриа юм. Үнэн хэрэгтээ бол бизнесийн байгууллагын хэрэглэгч гэдэг нь тухайн бизнес эрхлэгчдийн гол тулгуур нь болдог билээ. Хэрэглэгчгүй бизнес хэзээ ч амжилтанд хүрэхгүй нь хэнд ч ойлгомжтой зүйл. Гэтэл монголын бизнесийн байгууллагууд маань ашиг олж л байвал өөрсдийн хамгийн үнэтэй, эрхэм зүйл болох хэрэглэгчдээ хүртэл хохироож байна. Этилийн спирттэй архи, өттэй гурил, хөгцөрсөн нарийн боов, тунадас үүссэн чимсний чанамал гээд л бизнесийн байгууллагуудын хэрэглэгчдээ хохироосон ёс суртахуунгүй үйлдлүүдийг дурьдаад дурьдаад дуусашгүй.
Юм нэгээс эхэлдэг гэдэг бизнес дөнгөж бизнесээ эхэлж байгаа байгууллагууд л нийгмийн хариуцлагаа алхам тутамдаа хэрэгжүүлээд ажилласан бол өнөөгийн монголын нийгэм ямар ч хүнсний аюулгүй байдлын баталгаагүй болохгүй байсан бизээ.
Дээрх дурьдсан баримтуудыг дүгнээд үзэхэд Монголын бизнесийн байгуулагуудын нийгмийн хариуцлагаа хэрэгжүүлэх байдал нь хэтэрхий нэг чиглэлрүүгээ хазайсан нь илт байна. Хэн их ашиг олно, тэр байгууллага л нийгмийн хариуцлагааа сайн хэрэгжүүүлэх ёстой гэсэн хандалгаыг эвдэж, хамгийн чухал нийгмийн хариуцлагын төрөл болох төр улс, ард түмэнрүүгээ чиглэсэн бодлого явуулах нь зүй ёсны хэрэг болоод байна. Хэрэв ингэж чадсан цагт төр улс маань амар амгалан, хэрэглэгч ард түмэн эрүүл энх тунх амьдрах нөхцөл бүрдэх билээ.
Жич: Миний бичсэн эсээнүүдийн оршил хэсэг нь нэг л адилхан болоод байх юм :)

7 сарын 1-нийг өөр өнцгөөс

2009-11-26T00:39:00.001+08:00

XVII зуунаас эхэлсэн Манжийн дарлал,1937 оны "Их хэлмэгдүүлэлт", 1945 оны "Халх голын дайн" гээл Монгол улсын маань түүүхэнд хар толбо үлдээсэн үйл явдал цөөнгүй билээ. Шинэ мянган гарснаар хамгийн тодоор хар толбо үлдээсэн үйл явдал нь 2008 оны 7 сарын 1 юм.
5 сайхан хүний алтан амийг авч одож, хэдэн зуун иргэдийг гэмтээж, байшин барилга, машин техник гээл олон зүйлийг сүйтгэсэн энэхүү гол хөшүүрэг нь "монгол улсын иргэд" билээ.
Энэхүү хар өдрийн муу талыг дурьдаад дуусашгүй, хүн болгон л ам булаалдан ярьдаг боловч сайн талыг нь сөхөн дэлгэж ирсэн хүн ховор бизээ...

Дээрх үйлд явдлыг дахин болоосой гэсэндээ биш өөрт төрсөн гэгээлэг зүйлийг эндээс харж энэхүү нийтлэлээ бичихийг зорьлоо.
Монголчууд биднийг үхэр шиг зөрүүд, махран зүтгэдэг, багийн ажиллагаа зэргийг мэддэггүй гэгчээр дэлхий даяар ярьдаг. 7 сарын 1-ний үйл явдал Монгол хүн гэдэг хамтарч, ямар нэгэн зорилгын төлөө нэгдэж чадвал юу ч хийж болохыг харуулсан. МАХН-н байрны өмнө цугласан хэдэн мянган хүн өөрсдийн эрх ашгийг хамгаалахын төлөө хэрхэн тэмцэж байгааг Монголын бүх иргэд харсан.
Нэгэн итгэл, сэтгэлээр шамдан ажиллаж, хөдөлмөрлөвөл 5 хүнтэй сагсан бөмбөгийн баг маань дэлхийн дэвжээнд амжилт гаргаж, УИХ-н маань гаргасан шийдвэр бодитой, зөв байдлаар ард иргэдэд хүрээд зогсохгүй, 2хон сая хүнтэй Монгол улс маань Хужаа нарын халдлагаас ч өөрсдийгөө хамгаалж чадна гэдгийг 7 сарын 1 бидэнд харуулж чадсан билээ.
Аливаа зүйл сайн, муу сүлэлдэн байдаг. Сайнгүй муу, муугүй сайн гэж энэ орчлон ертөнц дээр нэгээхэн ч үгүй билээ.
Олон хүүхдийг аав ээжгүй болгож уйлуулж хоцроосон, олон эцэг, эхийг элгий нь дэвтүүлэх үргүй болгосон 7 сарын 1-ний хар өдрийн нэгээхэн ч гэсэн сайн талыг харж, бид нэгэн хүсэл зорилгын дор нэгдэж чадвал, юуг ч бүтээж болохыг Монгол түмэндээ харуулахыг зорьлоо.

Ердийн томуу vs Гахайн томуу

2009-11-04T23:05:00.002+08:00

ЗА өнөөдөр чинь гэв гэнэт блогоо хөтөлмөөр санагдаад нэг дор нилээд хэдэн юм хиймээр санагдав.
Ойрын үед улсын минь иргэдийн хамгийн их сандаргаж байгаа зүйл бол өнөөх гайхал H1N1 virus буюу гахайн ханиад юм.
Зэ тэгээд л иргэн тойронд нь нэг хүн ханиав уу үгүй юу тэр хүн лүү бүгд л сонин "жигтэй" нүдээр хараад л.
Иргэдийн маань дунд жил болгон гардаг энгийн томуу болон, гахайн ханиадны алийг нь болохыг ялгахгүй байгаа хүн олон байгаа нь харагдаж байна. Иймд дээрх хоёр ханиадны үед илрэх шинж тэмдгүүдийг ялгааг танилцуулж байна.

1. Халуурах
Энгийн томуу: Энгийн ханиадтай үед халуурах нь бага байдаг.
гахайн томуу H1N1: 80% тохиолдолд халуурдаг бөгөөд 38 хэмээс дээш 3-4 хоног халуурдаг байна.
2. Ханиалгах
Энгийн томуу: Ханиалга өгнө. Салст зүйлс буюу цэртэй ханиалгана.
гахайн томуу H1N1: Салст зүйлгүй, хуурай ханиалгана.
3. Өвдөлт
Энгийн томуу: Бага зэрэг бие өвдөнө.
гахайн томуу H1N1: Ихэнхи тохиолдолд бие өвдөнө.
4. Хамар битүүрэх
Энгийн томуу: Хамар битүүтэх тохиолдол элбэг бөгөөд хэдэн долоо хоногийн дараа алга болдог.
гахайн томуу H1N1: Хамар битүүрэх тохиолдол ховор.
5. Бүлээцэх
Энгийн томуу: Энгийн ханиадтай үед бүлээцэх мэдрэмж төрөхгүй
гахайн томуу H1N1: 60% тохиолдолд хүмүүс бүлээцэх мэдрэмж төрдөг байна.
6. Ядралт
Энгийн томуу: Ядралт бага өгдөг.
гахайн томуу H1N1: Ядралт дунд зэргээс их байна.
7. Найтаалгах
Энгийн томуу: Найтаалгана
гахайн томуу H1N1: Найтаалгахгүй.
8. Гэнэтийн шинж тэмдэг
Энгийн томуу: Ханиад, томууны шинж тэмдэг хэд хоног болж байж мэдрэгддэг.
гахайн томуу H1N1: Гахайн томуу 3-6 цагын дотор өндөр халууралт өгч биеийн өвдөлт мэдрэгдэж эхэлнэ.
9. Толгой өвдөх
Энгийн томуу: Энгийн ханиаданд толгой өвдөх нь бага байдаг.
гахайн томуу H1N1: 80% тохиолдолд толгой өвдөлт мэдрэгдэнэ.
10. Хоолой өвдөх
Энгийн томуу: Хоолой өвдөх нь энгийн тохиолдол.
гахайн томуу H1N1: Ихэнхи тохиолдолд хоолой өвдөхгүй.
11. Цээжээр хөндүүрлэх
Энгийн томуу: Цээжээр хөндүүрлэх нь бага буюу дунд зэргийн байна
гахайн томуу H1N1: Цээжээр хүчтэй хөндүүрлэж өвддөг байна.

Монголын бизнесийн орчинд тулгамдаж буй асуудлууд

2009-11-04T22:46:00.001+08:00

За сайн байцгаана уу хүмүүсээ хэхэ. Удаан блогтоо салхи оруулаагүйн эцэст 2009-2010 оны хичээлийн жилийн эхний нийтлэлээ бичиж байна.
Яг ч блогтоо бичье гээд бичсэн зүйл биш л дээ. Менежментийн үндэс хичээл дээр бичсэн эссэгээ "copy and paste" хийв. За тэгээд сонирхсон нэг нь цаг зав гаргаад уншина биз...
Цаашдаа улам хэрэгтэй зүйлүүдийг хийж байх болно.
Гүнээ хүндэтгэсэн С.Золжаргал :)

Хүнд хэрэгтэй ямар нэг зүйл хийхийг бизнес гэдэг. Тэгэхээр бизнесийн байгууллага гэж хүнд хэрэгтэй зүйл хийхийн төлөө нэгдсэн хоёр ба түүнээс дээш хүмүүсийн нэгдлийг хэлнэ гэж хялбархан ойлгож болох нь. Өнөөгийн Монголын нийгэмд бизнесийн байгууллагуудыг ерөнхийд нь бичил дунд болон “том” гэж хоёр ангилаад байх шиг. Энэ нь санхүүгийн байдал болон явуулж буй үйл ажиллагааных нь цар хүрээнээс шалтгаалан ангилсан хэрэг. Гэхдээ дээрх хоёр төрлийн бизнесийн байгууллагад нийтлэг зүйл байна. Энэ нь тэдний үйл ажиллагаагаа хэвийн явуулах нөхцлийг нь алдагдуулаад буй тулгамдсан асуудлууд юм. Тэдний удирдлагуудынх нь чадвар, ухаанаас хамаарсан асуудал байхад, үл хамаарах томоохон асуудлууд ч байна. Тэдний үйл ажиллагаанаас үл хамаарах ямар ямар асуудлууд өнөөгийн бизнесийн орчинд тулгараад байгааг дор сийрүүлэн бичье.

Хамгийн эхэнд тулгамдаад байгаа асуудал бол санхүү эдийн засгийн хямрал юм. Энэ нь арилжааны банк болон барилгын компаниудад ихээхэн хүндээр тусаж байна.Өнөөдөр улсын хэмжээнд дуусаагүй 420 гаруй барилга бий. Эдгээрийн 284 нь Улаанбаатар хотод байна . Дээрх барилгууд бүгд банкаас зээл авсан гэхэд буруудахгүй. Арилжааны банкууд өнгөрсөн онд барилгын салбарт 284.5 тэрбум төгрөгийн зээл олгосноос ердөө 42.8 турбумийг л эргүүлэн аваад байна . Үүнээс гадна банкнаас зээл аваад орон сууц худалдан авах урьдчилгаа төлбөр өгсөн ч тухайн барилга нь одоог хүртэл ашиглалтад ороогүй байна. Ингэснээр иргэдийн мөнгө барилгын салбарт түгжигдээд байгаа юм. Дээрх банк-иргэд-барилгын компани гэсэн гурвалсан гинжин холбоосонд “но” гарч түгжирснээс аль аль талынх нь ирээдүй бүрхэг болоод байна.
Мөн хямрал боллоо гэх сургаар хэрэглэгчид маань хэрглээгээ багасгаснаас бизнесийн байгууллагуудын бүтээгдэхүүн үйлчилгээний борлуулалт бууран, ашиг нь багассан. Иймээс бизнесийн байгууллагуудад одоо үед хамгийн нэн түрүүнд тулгамдаж буй асуудал нь санхүү эдийн засгийн хямрал болоод байна.

Төрийн гэгдэх бүхий л байгууллагуудын хүнд суртал нь бизнесийн байгууллагуудын тулгамдсан асуудал болоод байна. Бизнес эрхлэгчид шинэ зүйлд хүч сорихийг буюу бизнесээ өргөжүүлэхийг үргэлж боддог. Энэ бүхэнд холбогдох байгууллагуудаас зөвшөөрөл авах нь мэдээж. Гэтэл бичиг баримтаа бүрдүүлэн, холбогдох газарт очиход өнөөх л дасал болсон “та хэд хоногийн дараа ирнэ үү”, “маргааш амралтын өдөр тиймээс ирэх Даваа гаригт ирээрэй”, “үүнийг бид хариуцахаа больсон, тийшээ очно уу”, “дотоод ажилтай”, “ахлах байхгүй”, “гадуур ажилтай” гэх мэт дасал болсон хариултууд тэднийг угтдаг. Нэгэн тод жишээ гэвэл “Өнөөдөр таны сэтгэлийг ямар асуудал хамгийн их зовоож байна вэ?” гэсэн асуултанд иргэдийн 48.8% нь хүнд суртал гэж хариулсан байх юм . Бизнесийн үйл ажиллагаа нь өдөр хоногоор битгий хэл цаг минутаар хэмжигддэг. Гэтэл дээрх хүнд суртлаас болоод хугацаа алдан ашигтай бизнесээсээ атгаад алдсан хүмүүс олонтаа.

Өнөөгийн нийгэмд хамгийн их хэрэглэгдэж байгаа үг бол авилга. Хаана хүн байна, тэнд авилгын үүр уурхай байна гээд хэлчихэд нэг их буруудахгүй. Манай улс авилга хээл хахуулиараа дэлхийд толгой цохиж яваа гэсэн судалгаа гарсан байна. МУ-ын бүх л салбар авилга хээл хахуульд идэгдэж байгаа гэсэн баримтыг АНУ-ын Азийн сан, Сант марал төрийн бус байгууллагууд дэлгэж байна. Өөрөөр хэлбэл 163 орны дунд хийсэн судалгаагаар МУ 99-т жагссан байна. Авилга гэдэг нь төрийн хүнд суртал гээчтэй салшгүй холбоотой. АНУ-ын Азийн сан, Сант марал төвөөс хамтран явуулсан авилгын талаарх судалгаа үүнийг баталжээ. Нийт 1030 хүн судалгаанд хамрагдсанаас авилгад хамгийн ихээр идэгдсэн байгууллагаар иргэд нийслэлийн газрын албыг нэрлэсэн гэнэ. Удаахд гаалийн байгууллага толгойлсон бол, уул уурхай, шүүх, цагдаагийн газар хахуулийн үүр болсон байгууллагыг мөн тэргүүлж байгааг хэлжээ. Дээрх нь бүгд төрийн байгууллага байгаа билээ. Авилгагүй бол ажил урагшлахгүй гэсэн ойлголт энэхүү нийгмийн байдлаас болж бизнес эрхлэгчидэд бий болчихоод байна. Шударга байхгүйгээр бизнест амжилтанд хүрэхгүй, иймд авилгалтай орчинд бизнес амжилтанд хүрэхгүй билээ.

Дараачийн томоохон асуудал бол татварын орчин юм. Энэ нь ялангуяа уул уурхайн бизнес эрхлэгчидэд ихээхэн хүндээр тусаад байх шиг. Монгол улсын засгийн газраас уул уурхайн компаниудаас “гэнэтийн ашгийн” 68%-н татварыг авах болсон явдал нь тэдний хувьд олсон ашгаа бүгдийг нь улсад өгчих гэсэнтэй ялгаагүй сонсогдсон гэдэг. Гэхдээ дээрх татвараас олж буй орлого нь улсын төсвийн дийлэнх хэсгийг бүрдүүлж байгаа. Гэнэтийн ашгийн 68 хувийн татвар 3 жилийн хугацаанд хэрэгжих хугацаандаа улсын тєсєвт нийт 962.3 тэрбум тєгрєгийн орлого оруулж байсан . Гэхдээ энэ бүх мөнгийг бүхий л уул уурхайн компани өгчихсөнгүй. Үүнээс 864.1 тэрбум тєгрєг буюу 90 гаруй хувийг улсын “саалийн үнээ” гэгддэг Эрдэнэт үйлдвэр өгсөн байх юм. Хэрэв Эрдэнэт үйлдвэрийн улсад тушаасан дээрх мөнгийг аваагүйсэн бол жилд 1.2 сая тонн зэс боловсруулах хvчин чадал бvхий үйлдэртэй болох боломж бидэнд байсан байна. Хэрэвзээ ингэж чадсан бол улсын төсөвт 864 тэрбум төгрөг байтугай, хэдэн сая долларын ашиг оруулах байсан нь дамжиггүй. Дээрх өндөр татвараас болоод бүхий л уул уурхайн компаниуд бүрэн гүйцэт улсад татвараа өгөхөө больсон. Энэ нь 68%-н татвар авч улсын төсвөө зузаатгах гэсэн зорилго байсан боловч, эсрэгээрээ далд эдийн засаг үүсэн татвар төлөлт буураад байна. Энэ нь төр засгийн алдаатай бодлогоос болж иим байдалд хүрсэн билээ.

Энэ бүгдээс дүгнээд үзэхэд өнөөгийн монголын нийгэмд бизнесийн үйл ажиллагаа явуулахад ихээхэн хүндрэлтэй болсон нь харагдаж байна. Нэг алхаад л хүнд суртал, хээл хахууль, төрийн буруу бодлого бид бүгдийг угтаж байна. Юм нэгээс эхэлдэг, энэхүү хар бараан зүйлийг өөрсдийн орчноос авч хаяхын тулд дор бүрдээ бизнесийн байгууллагууд шударга өрсөлдөөн гээчийг бүрдүүлж ажиллавал дээрдэх нь гарцаагүй билээ...

Ерөнхийлөгч танаа

2009-05-26T15:38:00.003+08:00

Ардчилсан шинэ Ерөнхийлөгчийн ирээдүй өнөөдрөөс эхэлж байна. Элбэгээ Ерөнхийлөгчийн сонгуульд яллаа гэсэн чимээтэй хамт гудамж талбайгаар хөлхөх хүмүүсийн алхаа гишгээ тайван болж, нэг л амгалан төрх нүдэнд харагдах болжээ. Тэртээх 1990-2000 оны хооронд эдэлсэн зурвасхан эрх чөлөөт үе эргээд ирэх нь энэ үү. Малыг малчдад, орон сууцыг суугчдад нь, газрыг дээр нь оршин суугаа иргэдэд хувьчилж, гадад паспорт халаасанд нь хийж өөрийн юмтай байхын эрх чөлөөг монголчуудад эдлүүлсэн ардчиллын лидерийг Төрийн тэргүүнээр сонголоо.

Цагаан морин жилийн ардчилсан хувьсгалын 20 жилийн ойгоор Монгол Улс ардчилсан шинэ Ерөнхийлөгчтэй боллоо. Ихээхэн бэлгэ дэмбэрэлтэй нь Ерөнхийлөгчийн сонгуулийн урьдчилсан дүн зуны тэргүүн сарын шинийн нэгний цагаан морин өдөр гарч таарав. Хоёр аравны тэртээх цагаан морин жилийн хувьсгалын нэгэн үр дүнг цагаан морин өдөр үзсэн нь учир тавилангийн буухиа, хэлхээс гэлтэй. Тавдугаар сарын 24 шинэ Ерөнхийлөгч төрүүлж, сумогийн башёд шинэ монгол бөх түрүүлсэн бэлгэшээлт сайн өдөр байлаа.
Ц.Элбэгдорж Монгол Улсын Ерөнхийлөгч болсноор дан ганц МАХН-ын гишүүдээс бүрдэж байсан Үндэсний аюулгүй байдлын зөвлөлийн бүрэлдэхүүнд салхи орно. Өнгөрсөн долдугаар сарын 1-нийх шиг үйл явдал боллоо гэхэд ардчилсан Ерөнхийлөгч огт өөрөөр хандана. Хэвлэл мэдээллийн хэрэгслүүдийг хааж, оюун санааны хүчирхийлэлд ард иргэдээ унагахгүйг тэр мэднэ. Гудамж талбайд танк оруулж шинэ Багдад хэзээ ч болгохгүй. Улс төрийн хоригдлуудыг чөлөөлж, ардчиллын нэр төрийг цэвэрлэх үүрэг түүнд ногдсон гэж хэлж болно.

Ц.Элбэгдорж Монголд Төрийн тэргүүний шинэ шинж төрхийг бүрдүүлэх болно. УИХ-ын чуулганд тааллаараа оролцож, чуулган нээх, төсөв хэлэлцэх төдийд үг хэлж, хоргой торгон дээлэнд орооцолдож, тахилгат уулсын оройд гаран хуй хуй торго дурдан, мах өөх, Ерөнхийлөгчийн зарлиг тэргүүтнээр сор залан тэнгэр өөд "факс" илгээж улс орныхоо хувь заяаг даатгах мэтийн мухар сүсгийн үйлээр улс орноо жолоодохгүй байх. Харин гудамж талбай, зах зээлээр алхаж олон дунд орсон шинэ Ерөнхийлөгчтэй болох цаг ирсэн байна. Ардчилсан Ерөнхийлөгч авлига, хээл хахууль, ядуурал, ажилгүйдэлтэй тэмцэхээ амласан. Ерөнхий сайд байхдаа эхлүүлсэн тэр ажлаа шууд үргэлжлүүлэх боломж түүнд бий. Магадгүй түүний толгойд Хархориныг жишиг хот болгох, алсдаа Монгол Улсын нийслэлийг тийш нүүлгэх төлөвлөгөө нь одоо ч эргэлдэж буй биз.
Энэ олон мянган хүний итгэлийг дааж гарч ирсэн та ирэх 4 жилд улс орондоо ихийг бүтээнэ гэдэгт итгэлтэй байна.
Мэдээллийн эх сурвалж:www.news.mn

Бодрол...

2009-05-25T22:23:00.001+08:00

Дэлхийн ямар ч орны эдийн засгийн хувьд уналтгүй байнгын өсөлттэй, эсвэл байнгын уналттай, өсөлтгүй байна гэж байдаггүй билээ. Үргэлжийн зун гэж байдаггүйн адил нэг хэсэг тухайн орны эдийн засаг өсөлттэй байлаа гэхэд уналтанд орох үе хэзээ нэгэн цагт заавал ирдэг. Тэрхүү уналт, сэргэлтийн үе буюу эдийн засгийн мөялөгөө зөв, бодитой тооцоолж чадсан улс орны хувьд эдийн засгийн асар том хямрал боллоо гэхэд бэлтгэлтэй байж чадна.
Дөнгөж 2сая 700 мянган хүн амтай манай улс ажилгүйдлийн түвшнээ ч үнэн бодитой байдлаар тооцоолж чаддаггүй.
Жил бүрийн статистикийн эмхтгэл дээр ажилгүйдлийн түвшин ойролцоогоор 2.8%-3.8%-тай гэж гардаг. Энэ нь монгол улсын хүн амын 75000-103000-нь л ажилгүй байна гэсэн үг.Энэ нь бодит байдлаас хол зөрөөтэй тоо баримт гэдэг нь хэнд ч ойлгомжтой зүйл билээ.
Инфляци нь эдийн засгийн мөчлөгийн эерэгээр, ажилгүйдэл нь эдийн засгийн мөчлөгөөс сөргөөр өөрчлөгддөг. Иймд ажилгүйдлээ зөв тооцоолж чадсан цагт эдийн засгийн мөчлөгөө яг таг зөв тооцоолж чаддаггүй юмаа гэхэд потенциал үйлдвэрлэлээсээ манай улс хэр хоцорч байна, хэр их илүүдэж байна гэдгийг хялбархан мэдэж болно.
Эцэст нь эдийн засгийн мөчлөгийг тооцоход гол шаардлагатай үзүүлэлтүүдийн нэг болох ажилгүйдлийн түвшнээ бодитойгоор тооцоолж чадахгүй байхад эдийн засгийн мөчлөгийг үнэн зөв тооцоолно гэдэгт итгэхэд тун бэрх юм. Хэрэв эдийн засгийн мөчлөгөө зөв тооцоолж чадсан бол одоо үргэлжилж буй дэлхийн санхүү, эдийн засгийн хямрал манай улсад тийм ч хүчтэй нөлөө үзүүлж чадахгүй ч байсан юм билүү....

Хаалга тогшино!!!

2009-05-22T23:25:00.000+08:00

Өнөөх айхтар 800 онооны чинь шалгалтыг өгчихөөл, хариу нь гарах үед хөл гөзөр хүрэхгүй баярлан, СЭЗДС-д орохоор боллоо хэмээн бахархан, хичээлийн эхний өдрүүдэд хичээл сонголтоо хийх гэж будлин, сургуультайгаа танилцах гэж тэвдэн явж байсан үе саяхан санагдана.
Гэтэл одоо би гэдэг хүн чинь дээд сургуулийн I курсыг төгсөх гээд явж байна. Шинэ оюутан болсон хичээлийн жил урьд өмнө тохиож байгаагүйгээр хурдан өнгөрлөө гэж... Намрын налгар өдрүүд, өвлийн хахир өдрүүд, хаврын хавсрагатай өдрүүд нүд ирмэх зуур л өнгөрөн, одоо зуны аагим өдрүүд эхлэх гэж байна.....
Оюутан боллоо, шинэ найзуудтай боллоо, нийгэмд арай өөр түвшин, статусын хүрээнд оролцох боллоо гээд энэ нэг жилийн хугацаанд үнэхээр дэвшилттэй олон зүйл амьдралд тохиолоо...
Нэг л их "завгүй" хүн явсаар байтал, I курсийн эцсийн шалгалтууд аль хэдийн хаяанд ирэн, хаалга тогшиж байна. Энэ гайхалтай нэг жилийн хугацаанд сурсан бүх зүйлээ л одоо шалгуулна, Дараа жил II, тээд дараа нь III IV гэсээр дахиа л өөр орчинд орох цаг мөч удахгүй ирнэ.....
Энэ эрчээрээ цаашдаа яваад байна даа гэж....

"Амьдралын их далайруугаа шувууд нисэн одлоо"

Эйнштэйний хэлсэн хөгжилтэй 10 сургамж

2009-05-18T16:53:00.001+08:00

Алберт Эйнштэйн нь багаасаа хэл ярианы бэрхшээлтэй хүүхэд байсан боловч бага сургуульдаа хамгийн шилдэг сурагч байжээ. Огт хэлд орж өгөхүй байсан тэрээр нэг оройн хоолон дээр "Энэ шөл чинь хэтэрхий халуун байна!" гэж орилжээ. Эцэг эх нь чи яагаад урьд нь үг хэлдэггүй байв гэхэд "Яагаад гэвэл урьд нь бүх юм хэвийн байсан!" гэж хэлсэн тухай шог яриа байдаг. Тэгвэл одоо харин түүний хөгжилтэйгээр хэлсэн 10 сургамжийг хүргэе.

1. Чи гараа халуун ширмэн дээр тавиад нэг vзээрэй, тэгхэд бараг цаг болсон юм шиг санагдах болно. Харин сайхан бvсгvйн хажууд цаг суугаад vзээрэй, тэгхэд ганцхан минут болсон мэт санагдана. Энэ чинь л харьцангуйн онол юм шvv дээ.
2. Ер нь хоёрхон зvйл л хэмжээлшгvй хязгааргvй билээ. Орчлон ертєнц болон хvн тєрєлхтєний тэнэг мунхаг байдал. Гэхдээ би орчлон ертєнцийн тухайд эргэлзэж байна.
3. Бvтээлч сэтгэлгээний нууц нь гэвэл єєрийн олсон мэдээллийн уурхайг хэрхэн бусдаас нууж сурхад оршино.
4. Дэлхий дээрх ойлгоход хамгийн бэрх зvйл бол орлогийн татварийг ойлгож сурах юм.
5. Би огтхон ч ирээдvйн тухай боддоггvй. Учир нь удахгvй єєрєє ирнэ.
6. Надад єєр шинэ зvйл сурхад саад болдог ганц зvйл бол миний ємнє нь сурсан хуучин зvйлсvvд
7. Би бол маш гvн гvнзгий итгэгч бус шашинлаг хvн. Mагадгvй энэ нь ямар нэгэн шинэ шашин байж болох магад.
8. Хэрэв А дvн амьдралийн амжилт юм бол A тэнцvv x дээр нэмэх нь y нэмэх нь z. Ажил бол x; y бол vйлс; харин z бол амаа хамхих юм.
9. Би юу ч мэдэхгvй, надад юу ч хамаагvй, тэгсэн ч энэ нь ямар ч єєрчлєлтєнд хvргэхгvй!
10. Эхлээд чи тоглоомынхаа дvрмийг сайн мэдэх хэрэгтэй. Харин дараа нь чи бусад хvмvvсээс хамаагvй илvv сайн тоглох хэрэгтэй.

Сайн үйлс........

2009-05-17T18:12:00.000+08:00

Саяхан манай сургуулийн хүмүүнлэгийн ухааны тэнхимийн өдөрлөгийн хүрээнд 2 насай Билгүүн хүүд хандив өргөцгөөе гэсэн аян явагдсан юм. /одоо ч үргэлжилж байгаа/. Тэр үед төдийлөн юм бодолгүй өнгөрсөн боловч, дөнгөж сая "Нар дахиад,бас дахиад мандана" нэртэй Билгүүн хүүгийн тухай нэвтрүүлгийг үзлээ. Үнэхээр энэ хүүд тусламж хэрэгтэй, бүр маш их. Сайхан санаат монгол түмэн минь чадлынхаа хирээр тусалцгаан эмчилгээний зардал болох 60 сая төгрөгийн 11сая 600мянга нь бүрдээд байна. Дуслыг хураавал далай гэдэг...
Надтай адил үүнийг төдийлөн тоогоогүй өнгөрөөсөн хүмүүс байгаа байх гэж бодон, энэхүү нэвтрүүлгийг хүргэж байна. Үүнийг ззавал үзээрэй.
Хүмүүсээ амьддаа бие биенээ хайрлая
Сургууль дээрээ очоод заавал Билгүүн хүүд хандив өргөх болно. Заавал!!!
Та ч гэсэн хандив өргөөрэй!!!
Дэлгэрэнгүй мэдээллийг www.sainuils.mn-с
"Нар дахиад.бас дахиад мандана"

Чөлөөт цаг

2009-05-14T23:51:00.000+08:00

Өнөөдөр социологийн хичээлийн семинар дээр чөлөөт цаг ба оюутан сэдэвт илтгэл тавихаар манай багт таарав. Манай багийнхан ч овоо чадлынхаа хэрээр бэлтгэн, нэг гишүүн маань гарч ярин бүтэн оноогоо авч чадав аа.
Орой болов оо, Ингээд дээрхээс ургуулан бодоод байхад би чөлөөт цагаа хэр зөв зохистой өнгөрөөж, хичээл хийх цаг, амрах цагийн хувиараа хэр зөв зохицуулж байгаан болоо гэж бодов. Бодоод байтал үнэхээр хэрэг алга.....
Орой гэртээ сургууль дээрээ байж байж 6 цагийн үед ирнэ. Ингээд нэг хоол цай идэж учихаад 8 цагийн үед хичээлээ давтах санаатай компьютерийн ард сууна. (Уул нь ширээний ард суух ёстой байтал....) Ингээд болсон болоогүй цагийн гарз, ажлын садаа болсон мессенжер, hi5 гэх мэт зүйлрүү орсоор байтал хайран цаг минь урссаар............
Ингээл орой 10 өнгөрөх үед сая нэг хичээлээ хийх ёстойгоо санах үе ч гарна. Одоо би 1р курс хийх юм бага байна. Энэ үе дээрээ ингэж байж байгаа боловч, дараа дараа жилээс улам их хийх юм гарч ирнэ. Тэр үед энэ байтлаа засахгүй бол юун сургуулиа төгсөх дээрээ тулж магад....
Иймээс одооноос чөлөөт цагаа зөв хувиарлаж, ажил амралтын цагийн ялгааг зөв гаргаж сурдаг хэрэг ээ!!!

СЭЗДС-ийн оюутан .........

2009-05-08T18:56:00.001+08:00

СЭЗДС-ийн эдийн засгийн онолын олимпиад дээр тавигдсан нэгэн багийн мэндчилгээг та бүхэнд хүргэж байна.

Намайг .... гэдэг
Би тийм ч сайн ярьж чаддаггүй

Гэхдээ би хэдэн 100-аараа чихцэлдэн суудаг МУИС-ийн эдийн засагт сурдаггүй
30, 30-аараа нэг групп болон хичээллэдэг 85 жилийн түүхтэй СЭЗДС-т сурдаг
Сургуулиа би дэлхийн номер 1 сургууль болно гэдэгт итгэдэг
Миний сургууль тэнгэр баганадсан өндөр барилгатай.
Ёс суртахуунлаг оюутан бэлтгэдэг
Алдагдсан боломжийн зардал хамгийн бага байхаар багш нараа би сонгодог
Тооны машинаар хань хийдэг ня-бо
Ярих чадвараар ажлаа явуулдаг бизнесийн удирдлага
Зээл, хадгаламжийн хүүний зөрөөнөөс ашиг олдог банкны ангийн оюутан би бишээ
Би эрсдлийг тооцож, ирээдүйг төлөвлөхдөө байнгын таамаг дэвшүүлж, бодит байдлаас тасардаг бизнесийн эдийн засгийн ангийн оюутан
Би эдийн засгийн талаар тийм сайн мэдэхгүй ч гэсэн
Эрэлт, нийлүүлэлтйн талаар найзууддаа торолгүй тайлбар өгч чадна
Адам Смит, Жон Мейнард Кейнсийн тухай би зөвхөн номноос л уншсан
Гэхдээ би тэднийг эдийн засгийг үндэслэгчид гэдэгт итгэдэг
Эдийн засаг минь хямралаас гарна гэж сүүгээ өргөдөг ижийтэй хүн би
Ижий минь надаар, бас энэ сургуульд сурж байгаагаар минь бахархдаг
Урт хугацааны эдийн засгийг дэмжиж, уудам эх орноо хөгжүүлэхийг би зорьдог
Тэднийг энд байсныг хүмүүс мэднэ, Монголын шилдэг санхүүчид
Тэднийг энд байгааг хүмүүс мэддэг, Бид санхүүгийн оюутнууд
Тэднийг энд байхыг хүмүүс мэдэрдэг, Тэд монголын ирээдүй
Баярлалаа.....

Үгийн сүлжээ хийгч - Crosswords Forge

2009-05-05T10:30:00.005+08:00

Ажил хичээл гээл ер нь их олон зүйл дээр үгийн сүлжээ хийх тохиолдол олон байдаг. Хайран цагаа үрээл, толгойгоо гашилгаж суухын оронд энэхүү пограммыг ашиглахыг зөвлөж байна.
Монгол хэлээр үгнүүдээ бичиж болдог болохоор бүүр илүү давуу талтай шүү!!!
Суулгах заавар: 1. Татсан RAR файлаа Winrar-р задална,
2. Задалсан хавтаснаасаа Install_CrosswordForge.exe файлыг өөрийн компьютерт суулгана.
3. Суулгасаны дараа Keygen.exe файлыг ачаалуулан, generate командыг сонгоно.

Энд дарж тат

Банк санхүүгийн үг хэллэгүүдйин тайлбар толь

2009-05-03T16:19:00.002+08:00

Санхүүгийн англи үг хэллэгийг монголоор хөрвүүлсэн ном хэвлэл ховор байгаа юм шиг санагдсан.. Байхгүй зүйл байхгүй гэгддэг интернэтэд хүртэл маш ховор байдаг юм билээ. Иймээс энэхүү бяцхан тайлбар толийг та бүхэнд хүргэж байна. Нэг найзынхаа бүтээлийг ийнхүү тавьж буй тул зохиогчийн эрхийг хүндэтгэсэн нь дээр болов уу. СЭЗДС-ийн 1р курсын оюутан Б.Чунаг энэхүү тайлбар толийг бүтээсэн болно. Найзынхаа дараа дараагийн уран бүтээлд нь амжилт хүсье. Өшөө найз нартаа хэрэгтэй олон зүйл гаргаарай гэж хүсье даа.
Жич: Баг зэргийн хошигнол орсон болон хэхэ.

Энд дарж татаж авна уу

Microsoft Office Excel 2007-ийн хичээл

2009-05-03T16:11:00.003+08:00

Өнөө үед оффисийн программуудыг сурахгүй бол ажил, хичээлдээ амжилт гаргана гэдэг тун хэцүү болсон билээ. Иймд Microsoft Office Excel 2007-ийн step by step буюу алхам алхамаар хэмээх хичээлийг оруулж өгч байна. Чадахгүй байгаа бүх зүйлээ эндээс сурж аваад, хийх бүрэн боломжтой юм байна шүү. за тэгээд сураад, ажиллаад байж дээ :)

Энд дарж татна уу

2009-04-02T22:15:00.001+08:00

Өнгөрсөн оны дэлхийн шилдэг зураг

ТҮК

2009-03-28T18:18:00.001+08:00

УБ хотод маань хэн хамгийн их ажил хийдэг гэж бодож байна. Хүн болгон өөр өөрийнхөөрөө л хариулах байх. Саяхан телевизээр Тохижолт Үйлчилгээний Компаны нэгэн ажилчны тухай нэвтрүүлэг үзлээ. Энийг үзсэнээс хойш ТҮК-н ажилчид хамгийн их ажил хийдэг гэж боддог болсон. Тэдгээр хүмүүс бараг хоногын 24 цагийн 12 цагт нь хөл дээрээ зогсон ямар ч амралтгүй ажилладаг юм байна. Бид өдөр тутам шар хантааз өмссөн хүмүүстэй тааралддаг ч тэдгээрийн хэрхэн ажиллаж, "зовж" байгааг нэг удаа ч гэсэн төсөөлөн бодож өнгөрсөн нь ховор байх.
Халуунд халж, хүйтэнд хөрж бидний нийслэл болсон Улаанбаатарын минь төлөө ингэж ажиллаж буй тэдгээр хүмүүсийнхээ хөдөлмөр, урмыг бодож иргэд минь ээ хогоо хогын саванд хийж хэвшэцгээе!

First :)

2009-03-26T21:50:00.001+08:00

За ингээд анх удаагаа блогтоо болж үзэr байна. Ингээд анхныхаа зүйлийг бичиж байна. Анхны юм гэдэг угийн анхных байдаг хойно эхний хэдэн бичвэрүүд маань жоохон тиймэрхүү болж магад хэхэ. Иймээс монгол түмэн минь тусалж дэмжин, шүүмжлэлээ харамгүй өгч байгаарай.
Эвтэй байхдаа хүчтэй шүү бид :)